លោក អ៊ុក សំណាង ប្រធានមន្ទីរកសិកម្មខេត្តព្រៃវែង បញ្ជាក់ប្រាប់Themythmey25 បន្ថែមថា ស្រូវដែលនាំចេញទៅប្រទេសវៀតណាម ទទួលបានតម្លៃ ៩៨០រៀល ក្នុងមួយគីឡូក្រាម សម្រាប់ប្រភេទស្រូវ IR504 និង ៨៧០រៀល ក្នុងមួយគីឡូក្រាម សម្រាប់ប្រភេទស្រូវ OM5451។ ចំពោះការងារបង្កបង្កើនផលស្រូវប្រាំងក្នុងខេត្តព្រៃវែងវិញ  ប្រធានមន្ទីរកសិកម្មរូបនេះ បន្តថាបានបញ្ចប់ហើយ ខណៈការងារប្រមូលផលស្រូវប្រាំង សម្រេចបានជាង ៥៨ភាគរយ ដែលគិតជាផ្ទៃដី មាន ៦.៥ពាន់ហិកតា។

 

ពលរដ្ឋភាគច្រើនក្នុងខេត្តព្រៃវែង ពឹងផ្អែកលើវិស័យកសិកម្ម ក្រៅពីការងារដាំដុះដំណាំស្រូវ កសិករ ក៏មានប្រកបរបរដាំដុះដំណាំ បន្លែបង្ការ និងដំណាំសាកវប្បកម្ម ដូចជាដំណាំពោត ដំឡូងមី សណ្ដែកបាយ ល្ង អំពៅផងដែរ ដែលគិតមកដល់ពេលនេះ សម្រេចការអនុវត្តលើផ្ទៃដីចំនួន ១ ២៤២ហិកតា។ នេះបើតាមរបាយការណ៍ របស់លោកប្រធានមន្ទីរកសិកម្មខេត្តព្រៃវែង៕