អភិបាលខេត្តបន្ទាយមានជ័យបន្តអនុវត្តវិធានការរដ្ឋបាល ដល់ថ្ងៃទី៥ ខែមិថុនា

COVID-19

ជាតិ

សង្គមជាតិ

អភិបាលខេត្តបន្ទាយមានជ័យបន្តអនុវត្តវិធានការរដ្ឋបាល ដល់ថ្ងៃទី៥ ខែមិថុនា

29, May 2021 , 4:32 pm

រូបភាព

លោក អ៊ុំ រាត្រី អភិបាលខេត្តបន្ទាយមានជ័យ

ដោយ: ថ្មីៗ

ភ្នំពេញ៖ លោក អ៊ុំ រាត្រី អភិបាលខេត្តបន្ទាយមានជ័យ បានបន្តអនុវត្តវិធានការរដ្ឋបាលនៃបម្រាមគោច រយៈពេល១សប្តាហ៍ទៀត គិតចាប់ពីថ្ងៃទី៣០ ខែឧសភា ដល់ថ្ងៃទី៥ ខែមិថុនា ឆ្នាំ២០២១។ ការបន្តអនុវត្តវិធានការនេះ គឺដើម្បីទប់ស្កាត់ការរាលដាលជំងឺកូវីដ-១៩នៅក្រុងប៉ោយប៉ែត ខេត្តបន្ទាយមានជ័យ។

ចុចទីនេះដើម្បីទទួលបានព័ត៌មានរហ័ស

សកម្មភាពមួយចំនួនត្រូវបានអភិបាលខេត្តអនុគ្រោះ ដូចជា ការដឹកជញ្ជូនទំនិញពីប្រទេសថៃ មកកម្ពុជា និងពីកម្ពុជាទៅប្រទេសថៃ, ការដឹកជញ្ជូនទំនិញផ្សេងៗតាមកុងតឺន័រ និងរថយន្ត ដូចជារថយន្តដឹកសំរាម រថយន្តបាញ់បេតុង សំណង់វេជ្ជសាស្ត្រ,ឡានពន្លត់អគ្គិភ័យ,ឡានពេទ្យ និងការធ្វើដំណើររបស់មន្ត្រីរាជការ,គ្រូពេទ្យ,ការធ្វើដំណើរដោយមានធុរៈសំខាន់ និងការធ្វើដំណើរផ្សេងៗដែលមានការអនុញ្ញាតពីអាជ្ញាធរ។

លោក អ៊ុំ រាត្រី បានសង្កត់ធ្ងន់ថា ករណីពលរដ្ឋណាមិនគោរពទៅតាមវិធានការនេះ ពួកគេនឹងត្រូវទទួលទោសតាមច្បាប់ស្តីពីវិធានការទប់ស្កាត់ការរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត និងលិខិតបទដ្ឋានគតិយុត្តពាក់ព័ន្ធជាធរមាន។

គិតមកដល់ពេលនេះ កម្ពុជាមានករណីសរុបចំនួន២៨,៨២៥នាក់ សះស្បើយសរុប ២១,៣១៥នាក់ និងស្លាប់២០៣នាក់៕