ដោយ៖ ស៊ុល រ៉វី 

មន្ត្រីជំនាញ បានបញ្ជាក់ថា ក្នុងចំណោមអាល់កុលទាំង៧ពាន់លីត្រនេះ មាន៤,០៣០លីត្រ ជាសារធាតុមេតាណុល ខណៈ ៣,១២០លីត្រទៀត មានល្បាយសារធាតុមេតាណុល។ បច្ចុប្បន្នទំនិញទាំងនោះ ត្រូវបានមន្ត្រីរក្សាទុក ជាបណ្ដោះអាសន្ននៅនឹងកន្លែង រង់ចាំ ការអនុវត្តនីតិវិធីច្បាប់បន្តទៀត។ 
 

គួរបញ្ជាក់ផងដែរ សារធាតុគីមីមេតាណុល ប្រើប្រាស់ជាសារធាតុសម្លាប់មេរោគ មិនត្រឹមតែគ្មានប្រសិទ្ធភាពប៉ុណ្ណោះទេ តែវាបណ្ដាលឱ្យប៉ះពាល់ដល់សុខភាពអ្នកប្រើទៀតផង។ ផលប៉ះពាល់ទាំងនោះរួមមាន ធ្វើឱ្យរលាកស្បែក រលាកភ្នែក ឈឺក្បាល វិលមុខ ស្រវាំងភ្នែក ងងុយគេង បាត់បង់ស្មារតី ក្អួតចង្អោរ រំខានដល់ការរំលាយអាហារ ឬអាចបណ្ដាលឱ្យស្លាប់ ប្រសិនបើយកទៅលាយនឹងស្រា ហើយទទួលទានលើសកម្រិត៕