នាព្រឹកថ្ងៃទី២ខែកក្កដានេះ លោក នួន ផារ័ត្ន អភិបាលរងសាលារាជធានី បានលើកទឹកចិត្តឱ្យអាជីវករផ្សារអូឡាំពិកទៅយកសំណាកនៅវិទ្យាល័យទួលស្វាយព្រៃជាបន្ទាន់។ លោកអភិបាលរងបានបញ្ជាក់ថា ការយកសំណាកបានលឿន គឺជាវិធានការទប់ស្កាត់ការឆ្លងរាលដាលជំងឺកូវីដ-១៩ ដ៏មានប្រសិទ្ធភាព។

 

លោក នួន ផារ័ត្ន បានសរសេរនៅលើទំព័រហ្វេសប៊ុករបស់លោកយ៉ាងដូច្នេះ៖«មកទល់ពេលនេះ អាជ្ញាធរមិនបានសម្រេច បិទផ្សារអូឡាំពិកនោះទេ។ ដូច្នេះសូមបងប្អូនរក្សាភាពស្ងប់ស្ងាត់ និងបន្តកិច្ចសហការជាមួយអាជ្ញាធរ មកយកសំណាក នៅវិទ្យាល័យទួលស្វាយព្រៃ ជាបន្ទាន់។»។

 

លោកបន្តថា អាជីវករត្រូវរៀនរស់ជាមួយនឹងជំងឺកូវីដ-១៩ ដោយនៅបន្តការលក់ដូរបណ្ដើរ និងទៅយកសំណាកបណ្ដើរ។ 

 

ផ្សារបានក្លាយជាកន្លែងផ្ទុះជំងឺកូវីដ-១៩ ឡើងវិញដ៏គួរព្រួយបារម្ភ។ អាជ្ញាធរបានបិទផ្សារបឹងកេងកង កាលពីដើមសប្តាហ៍បន្ទាប់រកឃើអ្នកវិជ្ជមានកូវីដច្រើនរយនាក់។