សេចក្តីប្រកាសព័ត៌មានរបស់ JICA នៅថ្ងៃទី១៣ សីហានេះ ឱ្យដឹងថា គម្រោងនេះ​រយៈពេល៥ឆ្នាំ គ្រោង​ចាប់ផ្តើម នាខែវិច្ឆិកា ឆ្នាំ២០២១នេះ។ គោលបំណងនៃគម្រោងនេះ គឺដើម្បីពង្រឹងប្រព័ន្ធបណ្តុះបណ្តាលក្នុងពេលបម្រើការងារសម្រាប់គិលានុបដ្ឋាក នៅក្នុងប្រ​ទេសកម្ពុជា ក្នុងការបង្កើនសមត្ថភាព ក៏ដូចជាជំនាញ ដោយផ្តោតសំខាន់ទៅលើគិលានុបដ្ឋាក ដែលបានចុះបញ្ជីរួច។ 
 

សេចក្តីប្រកាសព័ត៌មានដដែលបញ្ជាក់ទៀតថា៖ «គម្រោងនេះ នឹងរៀបចំសេចក្តីណែនាំថ្នាក់ជាតិ និងផែនការបណ្តុះបណ្តាល ជាប្រព័ន្ធលើមុខវិជ្ជាដោយផ្អែកលើផែន​ការបណ្តុះបណ្តាលរួមទាំងវគ្គបណ្តុះបណ្តាល ដែលមានស្រាប់»។

 

គម្រោងនេះ ក៏នឹងគាំទ្រដល់កិច្ចខិតខំប្រឹប្រែងរបស់រដ្ឋាភិបាល ក្នុងការធ្វើឱ្យប្រសើរឡើងនូវគុណភាពនៃសេវាថែទាំងរបស់គិលានុបដ្ឋាក ស្របតាមប្រព័ន្ធបន្តអាជ្ញាបណ្ណ តាមរយៈការអភិវឌ្ឍ​វិជ្ជាជីវៈបន្ត(CPD) សម្រាប់គិលានុបដ្ឋាកដែលមានស្រាប់៕