COVID-19
ជាតិ
មេឃុំកំពង់ថ្កូវ ស្រុកក្រឡាញ់ ខេត្តសៀមរាប ទទួលមរណភាពដោយសារកូវីដ-១៩
16, Aug 2021 , 3:12 pm
×![]()
ដោយ: សារព័ត៌មានថ្មីៗ
លោក លន់ រួប មេឃុំកំពង់ថ្កូវ ស្រុកក្រឡាញ់ ខេត្តសៀមរាប បានទទួលមរណភាពក្នុងអាយុ៧៦ឆ្នាំ កាលពីថ្ងៃអាទិត្យ ទី១៥ ខែសីហា នៅមន្ទីរពេទ្យបង្អែកខេត្តសៀមរាប ដោយសារកូវីដ-១៩។ នេះបើយោងតាមលិខិតរំលែកទុក្ខ ដែលរដ្ឋបាលស្រុកក្រឡាញ់ផ្ញើទៅកាន់អ្នកស្រី ទូច ថាញ់ ភរិយាសព។
«មរណភាពរបស់លោក លន់ រួប គឺជាការបាត់បង់នូវធនធានដ៏ឆ្នើមមួយរូប»។ នេះជាការលើកឡើងរបស់លោកស្រី ម៉ននី រង្សី អភិបាលស្រុកក្រឡាញ់ ក្នុងលិខិតរំលែកទុក្ខចុះថ្ងៃទី១៦ ខែសីហា ដោយចាត់ទុកមេឃុំកំពង់ថ្កូវរូបនេះ ជាស្វាមី ឪពុក និងជាជីតា ប្រកបដោយព្រហ្មវិហារធម៌ និងជាមេឃុំគំរូមួយនៅស្រុកក្រឡាញ់។
យោងតាមសេចក្តីប្រកាសព័ត៌មានរបស់រដ្ឋបាលខេត្តសៀមរាប លោក លន់ រួប ស្ថិតក្នុងចំណោមករណីវិជ្ជមានកូវីដ-១៩ ថ្មីចំនួន៨៩ករណី ដែលតេស្តឃើញកាលពីថ្ងៃទី១៦ ខែសីហា។
គិតមកដល់ពេលនេះ សៀមរាបមានអ្នកវិជ្ជមានកូវីដ-១៩ ចំនួន៦២០២នាក់ ក្នុងនោះសះស្បើយចំនួន៤៥៥៨នាក់ និងស្លាប់៧៣នាក់។ អ្នកជំងឺចំនួន១៥៧១នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ វិទ្យាល័យអង្គរ វិទ្យាល័យ ហ៊ុន សែន វត្តស្វាយ វិទ្យាល័យក្រឡាញ់ វិទ្យាល័យចំណេះដឹងទូទៅ និងបច្ចេកទេសពួក និងវិទ្យាល័យដំដែក។
សម្រាប់តួលេខទូទាំងប្រទេស កម្ពុជាមានអ្នកឆ្លងកូវីដ-១៩ សរុប ៨៦ ០៤១ នាក់ ក្នុងនោះ១៣ ១១៨នាក់ ជាករណីនាំចូល។ អ្នកជាសះស្បើយមាន ៨១ ២០២នាក់ និងស្លាប់សរុប១ ៧០៤នាក់៕
«មរណភាពរបស់លោក លន់ រួប គឺជាការបាត់បង់នូវធនធានដ៏ឆ្នើមមួយរូប»។ នេះជាការលើកឡើងរបស់លោកស្រី ម៉ននី រង្សី អភិបាលស្រុកក្រឡាញ់ ក្នុងលិខិតរំលែកទុក្ខចុះថ្ងៃទី១៦ ខែសីហា ដោយចាត់ទុកមេឃុំកំពង់ថ្កូវរូបនេះ ជាស្វាមី ឪពុក និងជាជីតា ប្រកបដោយព្រហ្មវិហារធម៌ និងជាមេឃុំគំរូមួយនៅស្រុកក្រឡាញ់។
យោងតាមសេចក្តីប្រកាសព័ត៌មានរបស់រដ្ឋបាលខេត្តសៀមរាប លោក លន់ រួប ស្ថិតក្នុងចំណោមករណីវិជ្ជមានកូវីដ-១៩ ថ្មីចំនួន៨៩ករណី ដែលតេស្តឃើញកាលពីថ្ងៃទី១៦ ខែសីហា។
គិតមកដល់ពេលនេះ សៀមរាបមានអ្នកវិជ្ជមានកូវីដ-១៩ ចំនួន៦២០២នាក់ ក្នុងនោះសះស្បើយចំនួន៤៥៥៨នាក់ និងស្លាប់៧៣នាក់។ អ្នកជំងឺចំនួន១៥៧១នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ វិទ្យាល័យអង្គរ វិទ្យាល័យ ហ៊ុន សែន វត្តស្វាយ វិទ្យាល័យក្រឡាញ់ វិទ្យាល័យចំណេះដឹងទូទៅ និងបច្ចេកទេសពួក និងវិទ្យាល័យដំដែក។
សម្រាប់តួលេខទូទាំងប្រទេស កម្ពុជាមានអ្នកឆ្លងកូវីដ-១៩ សរុប ៨៦ ០៤១ នាក់ ក្នុងនោះ១៣ ១១៨នាក់ ជាករណីនាំចូល។ អ្នកជាសះស្បើយមាន ៨១ ២០២នាក់ និងស្លាប់សរុប១ ៧០៤នាក់៕
© រក្សាសិទ្ធិដោយ thmeythmey.com
