កាលពីរដូវកាលមុននៅ ឆ្នាំ ២០២០ ក្រុមកាំភ្លើងធំ បានបញ្ចប់ត្រឹមចំណាត់ថ្នាក់ទី៨នៃក្របខ័ណ្ឌ Premier League ហើយពួកគេត្រូវខកខានលេងក្នុងពានរង្វាន់អឺរ៉ុបធំៗ ជាលើកដំបូងចាប់តាំងពីឆ្នាំ ១៩៩៥មក។ 
 

ក្រោយការប្រកួតពានរង្វាន់ Champion League និង Europa League បានបញ្ចប់ មិនបានមួយថ្ងៃផងនោះលោក Arteta គ្រូបង្វឹក Arsenal ថា លោកឈឺចាប់ខ្លាំង ពេលដែលក្រុមខ្លួន គ្មានវត្តមាននៃការប្រកួតពានរង្វាន់ទាំងនេះ ។ បន្ថែមពីនេះលោក Arteta បានប្ដេជ្ញាចិនប្រើប្រាស់ការឈឺចាប់ទាំងនេះ ដឹកនាំក្រុមឲ្យត្រឡប់ទៅកាន់កម្រិតខ្លាំងដូចពីមុនឲ្យទាល់តែបាន។
 

«កាលពីប៉ុន្មានថ្ងៃមុនខ្ញុំពិតជាឈឺចាប់នៅពេលបានបើកទូរទស្សន៍ឃើញក្រុមផ្សេងៗបានប្រកួតនៅទីនោះប៉ុន្តែមិនមានក្រុម Arsenal របស់ពួកយើងនៅទីនោះទេ វាពិតជាឈឺចាប់ខ្លាំងណាស់។ ខ្ញុំមិនចង់អង្គុយជាមួយនឹងក្រុមនោះទេ នៅពេលក្រុមមិនស្ថិតក្នុងពានរង្វាន់ទាំងនោះ។ ពួកយើងត្រូវផ្តោតអារម្មណ៍ដើម្បីទៅកាន់ទីនោះវិញ»។ លោក Arteta  បាននិយាយបែបនេះក្នុងសិន្និសីតកាសែតមុនការប្រកួតទល់នឹងក្រុម Burnley នាថ្ងៃទី១៨ ខែកញ្ញា។
 

លោក Arteta ក៏បានអះអាងថា ការចាញ់៣ប្រកួតដំបូងនៅ Premier League ប្រៀបបានជាការបំភ្លឺភ្លើងដល់លោក ដែលកំពុងស្ថិតក្នុងភាពងងឹតផងដែរ។ លោក Arteta ថា ក្រុមរបស់លោកគឺសល់ពេលវេលាច្រើនក្នុងការត្រៀមខ្លួនប្រយុទ្ធសម្រាប់ការប្រកួតជាច្រើនទៀត ។ លោកបានត្រៀមខ្លួនរួចរាល់ហើយសម្រាប់ការប្រកួតប្រជែងដ៏ធំមួយនេះ។
 

សូមជម្រាបថា ក្រោយឆ្លងកាត់៤ប្រកួតនៅក្នុង Premier League មកនេះ Arsenal បានចាញ់៣ និងឈ្នះតែ១ប្រកួតប៉ុណ្ណោះ ដោយឈរនៅលំដាប់ថ្នាក់ទី ១៦ ក្នុងតារាងនាពេលបច្ចុប្បន្ន៕