តាមពិត សុវណ្ណច្ឆ័យ ដល់ពេលកំណត់ដែលត្រូវដោះលែង តាំងពីថ្ងៃទី៨ ខែវិច្ឆិកាមកម្ល៉េះ តែត្រូវតុលាការ ពន្យារពេលដោះលែងនៅថ្ងៃទី១០ ខែវិច្ឆិកានេះទៅវិញ ដោយមិនបានបញ្ជាក់មូលហេតុជាសាធារណៈ។ សុវណ្ណច្ឆ័យ ត្រូវចោទពីបទប្រមាថមន្រ្តីរាជសាធារណៈ និងបទញុះញង់បង្កឲ្យមានអសន្តិសុខសង្គម។

ការរងពីបទប្រមាថមន្រ្តីរាជការសាធារណៈ និង បទញុះញង់បង្កឲ្យមានអសន្តិសុខសង្គម គឺដោយសារអនីតិជនរូបនេះ និយាយឆ្លើយឆ្លងជាមួយអ្នកផ្សេងទៀត ក្នុងបណ្តាញទំនាក់ទំនងតេឡេក្រាម ហើយត្រូវសមត្ថកិច្ច ចាប់បានការឆ្លើយឆ្លងនោះ ដោយពិនិត្យឃើញថា សម្តីរបស់គេ មានលក្ខលៈប្រមាថមន្រ្តីរាជការសាធារណៈ និងបង្កឲ្យមានភាពវឹកវរដល់សង្គម។ សុវណ្ណច្ឆ័យ ត្រូវចាប់ខ្លួន កាលពីថ្ងៃទី២៤ ខែមិថុនា ឆ្នាំ២០២១៕