«ផុយផាយ» មានន័យថា ដែលកញ្ជះកញ្ជាយ, ចាយវាយឥតសណ្តាប់; សើវ៉ើ។ ស្រីផុយផាយ; ភរិយាផុយផាយ ។ 

 

ពាក្យកាព្យ: អ្នកបួសឥតក្រឹត្យ ចាស់ឥតប្រព្រឹត្តខ្សត់ច្រើនប្រមាទ ភរិយាផុយផាយ ចាយវាយឥតខ្នាត ពលពាលសុទ្ធសាធ ប្រដៅក្របាន ។ ( សាស្រ្តាច្បាប់ រាជនេតិ ព្រះនិពន្ធនៃព្រះរាជសម្ភារ ) ។

 

ន័យ​ស្រដៀងគ្នា​ផងដែរ ពាក្យ «សើវ៉ើ»  មានន័យថា រាយមាយ, ចាប់នេះចាប់នោះមិនឆ្ពោះត្រង់ណា។ ចិត្តសើវ៉ើ, គំនិតសើវ៉ើ ។

 

មានពាក្យពីរទៀត គឺ «លោលតា» និង «លោលា» ដែលសំដៅ​លើ​ ភាវ: ឬភាពលេះលោះឬឡេះឡោះ, ម្ង៉ិកម៉្ងក់, សើវ៉ើ ។ ពាក្យ លោលា ប្រើចំពោះតែមនុស្ស​ស្រី។ ស្រីលោលា ស្រីដែលមានឫកពាឡេះឡោះទៅរកបុរស ៕