Diogo Jota, Mohamed Salah និង Trent Alexander-Arnold រកបានម្នាក់មួយគ្រាប់បន្តបន្ទាប់ឱ្យ Liverpool ដើម្បីវាយបកយកឈ្នះក្នុងជំនួប Premier League សប្តាហ៍ទី១៧ ក្រោយ Jonjo Shelvey ស៊ុតនាំមុខមួយគ្រាប់មុនសម្រាប់ក្រុម Newcastle។ 
 

ជ័យជម្នះនៅ Anfield ក្រោមការដឹកនាំរបស់លោក Jurgen Klopp បានជួយក្រុម Liverpool កាន់កំណត់ត្រាឈ្នះ២០០០ប្រកួតក្នុងលីគ ក្នុងចំណោមការប្រកួតសរុបទាំង៤២២៧ប្រកួត ក្នុងប្រវត្តិសាស្ត្រក្លិប។
 

Liverpool មានប្រវត្តិលើកពានលីគកំពូលអង់គ្លេសចំនួន ១៩សម័យ ក្នុងនោះឈ្នះលើកចុងក្រោយក្នុងយុគសម័យ Premier League នៅរដូវកាល ២០១៩-២០។
 

ឆ្លងកាត់ការប្រកួត១៧លើករដូវកាល ២០២១-២២នេះ Liverpool រកបាន៤០ពិន្ទុ ឈរនៅចំណាត់ថ្នាក់ទី២ក្នុងតារាងលីគកំពូលអង់គ្លេស តាមពីក្រោយក្រុមកំពូលតារាង និងជាក្រុមការពារតំណែងជើងឯក Man City ចំនួន១ពិន្ទុ៕