កាលពីថ្ងៃទី១៥ខែធ្នូ ក្លិបអេស្ប៉ាញមួយនេះបានរកតេស្តឃើញកូវីដ-១៩ លើកីឡាករខ្សែការពារ Marcelo ព្រមទាំងខ្សែការពារ Luka Modric។ មួយថ្ងៃក្រោយមកក្លិប Real Madrid ក៏បានប្រកាសបន្ថែមថា ក្លិបបានធ្វើតេស្ត PCR លើកកីឡាករទាំងអស់រួមទាំងក្រុមគ្រូបង្វឹក។ ​ Marco Asensio, Gareth Bale, Andriy Lunin និង Rodrygo Goes ក៏បានតេស្តឃើញកូវីដ-១៩ដែរ។ 
 

បើយ៉ោងតាមពិធីការបស់ La Liga ក្លិប Real Madrid អាចស្នើសុំផ្អាកការប្រកួតជាបណ្តោះអាសន្នក្នុងការប្រកួតរវាងក្រុម Cadiz ប្រសិនបើពួកគេមានកីឡាករតិចជាង១៣នាក់សម្រាប់បន្តការប្រកួត។ ទោះជាយ៉ាងណា ប្រធានផ្នែកសុខភាពប្រចាំក្លិបលោក Enrique Ruiz Escudero បានអះអាងថា Real Madrid អាចបន្តការប្រកួតរបស់ខ្លួនទល់ក្រុម Cadiz បាន។
 

 «ដោយសារតែក្រុមការងារទាំងអស់នៅក្លិបបានចាក់វ៉ាក់សាំងបានពេញលេញ ក្រុមកីឡាករ Real Madrid អាចលេងក្នុងការប្រកួតបន្តបានប្រសិនបើពួកគេតេស្តអវិជ្ជមាននោះ ពួកគេក៏មិនចាំបាច់ធ្វើច​ត្តា​ឡី​ស័កឡើយ។»លោក Enrique Ruiz Escudero ប្រាប់កាសែត Marca។
 

Real Madrid ត្រូវបន្តការប្រកួតរបស់ខ្លួនស្វាគមន៍ក្រុម Cadiz City នៅថ្ងៃទី១៩ ឈានចូលថ្ងៃទី២០វេលា។ Real Madrid ក៏នៅសល់១ប្រកួតទៀតនៅថ្ងៃទី២២ ខែធ្នូឆ្នាំ ២០២១ នេះដោយត្រូវលេងទល់ក្លិប Athletic Bilbao៕