សូចនាករគន្លឹះទេសចរណ៍ និងស្ថិតិទេសចរណ៍ផ្លូវការ របស់ក្រសួងទេសចរណ៍បានបង្ហាញថា ក្នុងឆ្នាំ២០២១ កម្ពុជាទទួលចំណូលពីទេសចរអន្តរជាតិបាន ១៨៤លានដុល្លារ និងចំណូលពីទេសចរជាតិ បាន២៣០លានដុល្លារ។ ក្រសួងទេសចរណ៍ បានបញ្ជាក់ថា ចំណូលដែលកម្ពុជាទទួលបានពីទេសចរអន្តរជាតិនេះ គឺមានចុះអស់៨២ភាគរយ បើធៀបនឹងឆ្នាំ២០២០។ 

 

រយៈពេលនេះ ពលរដ្ឋកម្ពុជាដែលចេញទៅដើរកម្សាន្តនៅក្រៅប្រទេស ក៏បានធ្លាក់អស់ ៩០,៦ភាគរយ ផងដែរ ដោយមានចំនួនត្រឹម ៣០ ៥១៧នាក់ប៉ុណ្ណោះ។ បើតាមក្រសួងទេសចរណ៍ នៅក្នុងឆ្នាំ២០២១ មូលដ្ឋានអាជីវកម្មទេសចរណ៍ មាន ១៤ ៤៣៥កន្លែង សេវាកម្មស្នាក់នៅ មាន ៨៦ ៤៩៩បន្ទប់ និងអ្នកប្រកបមុខរបរក្នុងវិស័យមាន ២២,៥ម៉ឺននាក់៕