ក្រុមហ៊ុនប្រព័ន្ធប្រតិបត្តិការជួញដូររូបបិយប័ណ្ណគ្រីបតូ ដែលមានទីតាំងស្ថិតនៅក្នុងសិង្ហបុរី នឹងត្រូវបង្ហាញមុខជាលើកដំបូងក្នុងនាមជាក្រុមហ៊ុនពាណិជ្ជកម្មនៅក្នុងព្រឹត្តិការណ៍ការប្រកួត World Cup នៅកាតា។ 
 

«Crypto.com បានបង្ហាញរួចហើយការប្តេជ្ញាចិត្តក្នុងការគាំទ្រដល់ក្រុមនិងលីគ ព្រមទាំងព្រឹត្តិការណ៍កីឡាបាល់ទាត់នានាទូទាំងពិភពលោកជាមួយសហព័ន្ធ FIFA។ គ្មានវេទិកាណាដែលធំជាង ព្រមទាំងអស្ចារ្យជាងវប្បធម៌របស់វេទិការបាល់ទាត់ពិភពលោករបស់ FIFA ឡើយ»។ នេះបើតាមការលើកឡើងរបស់លោក Kay Madati ប្រធានផ្នែកពាណិជ្ជកម្មរបស់ FIFA។
 

កិច្ចសហការជាមួយសហព័ន្ធបាល់ទាត់ FIFA នេះជាការវិនិយោគដ៏ធំចុងក្រោយបង្អោះទៅក្នុងវិស័យកីឡារបស់ក្រុមហ៊ុន Crypto.com។ 
 

កាលពីឆ្នាំ២០២១កន្លងទៅ ក្រុមហ៊ុននេះបានចុះកិច្ចសន្យាឧបត្ថម្ភជាមួយក្លិបកីឡាបាល់បោះរបស់ NBA ក្លិប Philadelphia 76ers និងជាមួយការកម្មវិធី Ultimate Fighting Championship ព្រមទាំងការប្រណាំងរថយន្ត Formula 1 ផងដែរ៕