បើតាមការលើកឡើងពីសំណាក់អ្នកស្រី Sarah Hirshland ប្រធាន USOPC កម្មវិធីដ៏ពិសេសនៅសេតវិមានលើកនេះ នឹងជាព្រឹត្តិការណ៍អញ្ជើញភ្ញៀវដ៏ធំដំបូងសម្រាប់កីឡាកីឡាអូឡាំពិកពីរផ្សេងគ្នាក្នុងពេលតែមួយ។
 

«វាមិនមែនជារឿងដែលងាយស្រួលឡើយ ប៉ុន្តែយើងកំពុងគិតថា នឹងបញ្ចូលក្រុមអត្តពលិកអាម៉េរិកព្រមទាំងក្រុមមន្ត្រីនិងគ្រូបង្វឹកដែលស្ថិតនៅពីក្រោយការជោគជ័យរបស់ក្រុមអត្តពលិកទាំងអស់។»លោកស្រី Hirshland បាននិយាយបែបនេះ។
 

កាលប្រកួតព្រឹត្តិការណ៍អូឡាំពិកតូក្យូកាលពីឆ្នាំ២០២១ កន្លងទៅ ក្រុមអត្តពលិកអាម៉េរិករកបានមេដាយសរុបចំនួន១១៣ ក្នុងនោះមានមេដាយមាស ៣៩ ឈរកំពូលតារាង។ ក្នុងការប្រកួតព្រឹត្តិការណ៍អូឡាំពិកប៉េកាំងរដូវរងាឆ្នាំ ២០២២ អត្តពលិកអាម៉េរិកបានបញ្ចប់ត្រឹមចំណាត់ថ្នាក់លេខ៤ ដោយទទួលបានមេដាយសរុប២៥ ក្នុងនោះមេដាយមាស៨។
 

លើសពីនេះទៅទៀត លោកស្រី Hirshland បញ្ជាក់ថា កម្មវិធីនេះនឹងផ្តល់កិត្តិយសយ៉ាងខ្ពង់ខ្ពស់ដល់ក្រុមអត្តពលិកដែលបានបង្ហាញខ្លួនតំណាងឱ្យអាម៉េរិក ហើយវាងជាពេលវេលាដ៏សក្ដិសមបំផុតសម្រាប់ពួកគេ៕