ដើម្បី​ចូល​រួម​អបអរ”ទិវាភពផែនដី” ថ្ងៃ​ទី​២២ ខែ​មេសា ឆ្នាំ​២០២២នេះ សារព័ត៌​មាន​ថ្មី​ៗ សូម​ជូន​កំណាព្យមួយ​បទ ដែល​មាន​ចំណង​ជើង​ថា “ឈើដួលមេឃក្ដៅ”​

ចុចទីនេះដើម្បីទទួលបានព័ត៌មានរហ័ស

ឈើដួលមេឃក្តៅ

បទកាកគតិ
 

២២.៤.០២២
 

ឱសែនស្រណោះ                                      ឈើព្រៃ​ទាំង​អស់​                            ដួល​រាប​ដល់​ទី​​

អាធំ​ដួល​គ្រាំ​                                           ធ្លាក់​ដល់​ធរណី​​                              សង្កិន​ញក់ញី

អាតូច​គ្មាន​សល់​។
 

ជន​លើផែនដី​                                        តែងពោល​ស្រដី                              ​ត្អូញ​ត្អែរសែន​ខ្វល់​

ភពផែនក្ដៅ​ខ្លាំង​                                     ហួត​ហែង​ក្រហល់​                              វក់​វីច្របល់
រស់​នៅ​មិន​សុខ។
 

ដឹង​ហើយ​ឮហើយ​                                      ម្ដេច​នៅ​កន្ដើយ                              កាប់​ឆ្ការសម្រុក​

បំផ្លាញព្រៃ​ឈើ                                        ផ្ដាច់​ផ្ដិល​តត្រុក​                              ចង់​តែ​​ស្រណុក

ម្នាក់​​ឯង​ឥត​ព្រួយ?
 

ឈប់​ខាន​ត្រឹមហ្នឹង​                                យើង​មក​ខំ​ប្រឹង                                ដាំដុះលើក​ស្ទួយ​

ខ្ញុំ​អ្នក​ខំដាំ                                      ​  យ៉ាង​ហោច​បាន​មួយ                        ក៏គង់​ជំនួយ

ជីវិត​រស់បាន​​​៕