បើតាមការប្រកាសរបស់កងទ័ពកូរ៉េខាងត្បូង ក្រុមនាវាដឹកយន្តហោះចម្បាំង USS Ronald Reagan នឹងធ្វើដំណើរទៅដល់មូលដ្ឋានទ័ពជើងទឹកមួយនៅទីក្រុងកំពង់ផែភាគខាងត្បូងទីក្រុង Busan នៅ​ថ្ងៃ​ទី២៣ ខែកញ្ញា ដើម្បីចូលរួមលំហាត់យោធារួមគ្នា។

 

«តាមរយៈការធ្វើសមយុទ្ធ​រួមគ្នា កងទ័ពជើងទឹក​នៃ​ប្រទេស​ទាំងពីរ​គ្រោង​នឹង​ពង្រឹង​ការត្រៀម លក្ខណៈ​យោធារបស់ខ្លួន និងដើម្បី​បង្ហាញ​ពី​ការតាំងចិត្ត​ដ៏​ម៉ឺងម៉ាត់​របស់​កូរ៉េខាងត្បូង​ និងអាម៉េរិក​សម្រាប់​សន្តិភាព និងស្ថិរភាពនៅឧបទ្វីបកូរ៉េ»។ សេចក្ដីថ្លែងការណ៍ខាងលើក៏បានបញ្ជាក់បែបនេះ។

 

ក្រៅពីនាវាដឹកយន្តហោះ USS Ronald Reagan ប្រភេទ Nimitz Class ក្រុមនាវានេះមានចម្បងនាវាផ្សេងទៀតដូចជានាវាពិឃាត USS Chancellorsville និងនាវាពិឃាត USS Barry Aegis។

 

ការសម្រេចធ្វើសមយុទ្ធយោធានេះបានធ្វើឡើងបន្ទាប់ពីក្រុងវ៉ាស៊ីនតោន និងក្រុងសេអ៊ូល​បានព្រម​ព្រៀងគ្នាលើការប្តេជ្ញា ចិត្តក្នុងការដាក់ពង្រាយកម្លាំងយោធាជាយុទ្ធសាស្ត្រ​ឱ្យទាន់​ពេល​វេលា​ដើម្បី​ឆ្លើយតបនឹងការគំរាមកំហែងរបស់ក្រុងព្យុងយ៉ាង។

 

គួរបញ្ជាក់ថា ក្រុមនាវាផ្ទុកយន្តហោះនេះបានធ្វើស​មយុទ្ធរួមគ្នាចុងក្រោយបង្អស់ជាមួយកូរ៉េ ខាងត្បូងតាំងពីខែកញ្ញាឆ្នាំ២០១៨ គឺនៅពេលដែលស្ថានភាពតានតឹងតែងដោយសារតែកូរ៉េខាង​ជើងបានតេស្តមីស៊ីលជាច្រើនលើកច្រើនសារ៕