វ័យ​៣៤ឆ្នាំ James ជាតារាសម្តែង និងជាពិធីករអាជីពក្នុងកម្មវិធីផ្សេងៗ រីឯ Chloe អាយុ​២៨​ឆ្នាំ ជាគ្រូបង្រៀន។ ​គូស្នហ៍នេះ មាន​ខ្ពស់​ខុសគ្នា​ប្រមាណ​ ៥៦,៨សង់ទីម៉ែត្រ ដោយលោក James មានកម្ពស់១០៩,៣ សង់ទីម៉ែត្រ រីឯ Chloe ដែល​ជាភរិយា មានកម្ពស់ ១៦៦,១ សង់ទីម៉ែត្រ។
 

មកពីក្រុង​ដូចគ្នា​នៅ​ចក្រភពអង់គ្លេស លោក James កើតមកជាមួយនឹងប្រភេទ​ជំងឺហ្សែន​ដ៏កម្រ​ដែលប៉ះពាល់​ដល់​លូតលាស់ឆ្អឹង (Diastrophic Dysplasia) មិន​រំពឹងថា ទទួលបានជីវិត​អាពាហ៍ពិពាហ៍​ប្រកបដោយសុភមង្គលបែបនេះឡើយ។
 

 

នៅ​ឆ្នាំ២០១២ បន្ទាប់ពី James បាន​កាន់គប់ភ្លើងអូឡាំពិក​ឆ្លង​កាត់ភូមិកំណើត Chloe បាន​ចាប់អារម្មណ៍ ហើយ​នាងបាន​ធ្លាក់ក្នុងអន្លង់ស្នេហ៍​របស់ James។ «និយាយដោយស្មោះត្រង់ទៅ ខ្ញុំដូចជាគ្មាន​ព្រួយបារម្ភអំពី​ប្រតិកម្ម​របស់អ្នក​ដទៃឡើយ»។ Chloe បាន​បញ្ជាក់យ៉ាងដូច្នេះក្នុងសៀវភៅកំណត់ត្រា Guinness World Records។​
 

ពួក​គេ​បានបន្តជួបគ្នានៅហាងមួយកន្លែង ខណៈ Chloe កំពុងបន្ត​សិក្សានៅ​ Cardiff។ ចំណង​ស្នេហា​របស់អ្នកទាំងពីរក៏មិនងាយស្រួលនោះដែរ ដោយសារតែ​កាតាព្វកិច្ច​រៀងៗខ្លួន និង​រងការ​និយាយ​ចុះឡើងពីសំណាក់អ្នក​ដទៃ។ 


 

ទោះបីជាយ៉ាងណាក៏ដោយ នៅ​ចុងឆ្នាំ២០១៣ អ្នកទាំងពីរ​បាន​ប្រកាស​ផ្លូវការពីចំណងស្នេហ៍​របស់ខ្លួន មុន​នឹងឈាន​ដល់​ពិធីអាពាហ៍ពិពាហ៍នៅឆ្នាំ២០១៦។ «ពិតណាស់ កម្ពស់ទាបពេលខ្លះជាបញ្ហា ប៉ុន្តែខ្ញុំធ្វើអ្វី​ដែលអ្នកធ្វើបាន ដោយគ្មានប្រើប្រាស់វិធីផ្សេងប៉ុណ្ណោះ»។ លោក James បាន​លើកឡើងយ៉ាងដូច្នេះ។
 

Chloe បាន​បន្តថា៖ «រឿងរ៉ាវស្នេហា​របស់យើង បាន​បង្រៀន​យើង និង​បង្រៀនអ្នកដៃ ថា សូម​អ្នក​កុំ​វិនិច្ឆ័យ​សៀវភៅមួយក្បាល​ដោយឃើញត្រឹមតែក្របរបស់វា។ ស្រឡាញ់អ្នកណា​ម្នាក់ មិនត្រូវ​គិតពី​លក្ខខណ្ឌគេឡើយ»។

 

ចំណងអាពាហ៍ពិពាហ៍​របស់អ្នកទាំងពីរ បង្កើតបាន​កូនស្រីដ៏ស្រស់ស្អាតម្នាក់ឈ្មោះ Olivia ដែលបច្ចុប្បន្ន​មានអាយុ​៣ឆ្នាំហើយ៕