ខោខូវប៊យទាំងនេះ ត្រូវបាន​រកឃើញនៅអណ្តូងរ៉ែ ដែល​បោះបង់ចោលមួយ ដោយ​អ្នក​បុរាណវិទូ​មួយ​រូប។ យុវជនអាយុ​២៣ឆ្នាំ ឈ្មោះ Kyle Hautner និង​លោក Zip Stevenson អ្នកជំនាញជើងចាស់ម្នាក់ផ្នែកទីផ្សារអំបោះបុរាណ​ គឺជាអ្នកដែលបានចំណាយ​លុយ​ទិញ​ខោទាំងនេះ។

 

លោក Stevenson បាន​បញ្ជាក់ប្រាប់ CNN ថា លោកមិន​បានគិតជាមុនឡើយថា ទិញ​ខោខោប៊យនេះ រួម​ជាមួយ​ Hautner រហូតទាល់តែ​ដល់ពេល​វេលា​នៃ​ការដេញថ្លៃចាប់ផ្តើម។

 

តម្លៃដែលលក់បាន​សរុបគឺ ៨៧ ៤០០​ដុល្លារ ដែលជាការលក់​បានដ៏ខ្ពស់​បំផុតសម្រាប់ប្រភេទខោខូវប៊យសាច់អំបោះ Demin។ Hautner បាន​ចំណាយ​៩០ភាគរយ រីឯលោក Stevenson រួមចំណែក​១០​ភាគរយ។

 

លោក Stevenson បាន​បើក​ហាងដេរ និងជួសជុលខោខូវប៊ូយ នៅ Los Angeles អស់រយៈពេល​ជិត​បីទសវត្សរ៍ហើយ ដោយនេះជាលើកដំបូង ដែលលោក​ប្រទះឃើញ​ខោខូវប៊យដ៏កម្របន្សល់តាំងពី​សតវត្សរ៍ទី១៩។

 

ក្រោយឈ្នះ​ការ​ដេញថ្លៃ ខោចំណាស់ទាំងពីរ ត្រូវ​បាន​រក្សាទុក​នៅ​ហាង Stevensons’s Denim Doctor ក្នុង​រដ្ឋ Los Angeles ដោយអ្នកដែលចាប់អារម្មណ៍​អាច​យកទៅ​មើលបាន។ ជាមួយគ្នានេះ ជាពិសេស គេ​ចង់ឲ្យលោក Hautner និង Stevenson យកខោទៅដាក់តាំងបង្ហាញនៅសារមន្ទីរណាមួយ ដូចជា សារមន្ទីរ Smithsonian ឬ Metropolitan Museum of Art ជាដើម៕