នៅក្នុងជួរបក្សកុម្មុយនីស្តចិន អគ្គលេខាធិការបក្ស ត្រូវបានចាត់ទុកជាតំណែងកំពូលរបស់បក្ស។​ ជាការពិត អគ្គលេខាធិការគណៈមជ្ឈិមនៃបក្សកុម្មុយនីស្តចិន​ ជាពាក្យពេញ ខណៈកន្លងមកមនុស្សហៅកាត់ និងងាយយល់ថា អគ្គលេខាធិការបក្សកុម្មុយនីស្តចិន។ 

 

យ៉ាងណាមិញ ចាប់តាំងពីឆ្នាំ ១៩២១មក តំណែងកំពូលរបស់បក្សកុម្មុយនីស្តចិន ត្រូវបានផ្លាស់ប្តូរជាច្រើនលើក ហើយអគ្គលេខាធិការបក្ស ឬអគ្គលេខាធិការគណៈកម្មាធិការមជ្ឈិមនៃបក្សកុម្មុយនីស្តចិន ត្រូវបានប្រើប្រាស់តែនៅពាក់កណ្តាលទសវត្សរ៍ឆ្នាំ ១៩២០, ទសវត្សរ៍ឆ្នាំ១៩៣០ និងចាប់ពីឆ្នាំ ១៩៨២ ដល់ពេលបច្ចុប្បន្នប៉ុណ្ណោះ។ 

 

ចំណែកតំណែងត្រូវបានប្តូរឈ្មោះនាពេលកន្លងមក និងមានអំណាចស្មើនឹងអគ្គលេខាធិការបក្សកុម្មុយនីស្តចិនក្នុងពេលបច្ចុប្បន្នដែរមានដូចជា លេខាធិការការិយាល័យមជ្ឈិម ដែលត្រូវបានបង្កើតដំបូង, ប្រធានគណៈកម្មាធិការប្រតិបត្តិមជ្ឈិម, អគ្គលេខាធិការការិយាល័យមជ្ឈិម, ប្រធានគណៈកម្មាធិការមជ្ឈិម, ប្រធានការិយាល័យនយោបាយមជ្ឈិម និងប្រធានលេខាធិការមជ្ឈិម។ 

 

ខាងក្រោមនេះ ជាមេដឹកនាំកំពូលនៃបក្សកុម្មុយនីស្តចិន
 

១. លោក Chen Duxiu (១៩២១-១៩២៧)

២. លោក Xiang Zhongfa (១៩២៨-១៩៣១)

៣. លោក Bo Gu (១៩៣១-១៩៣៥)

៤. លោក Zhang Wentian (១៩៣៥-១៩៤៣)

៥. លោក Mao Zedong (១៩៤៩-១៩៧៦)

៦. លោក Hua Guofeng (១៩៧៦-១៩៨១)

៧. លោក Hu Yaobang (១៩៨១-១៩៨៧)

៨. លោក Zhao Ziyang (១៩៨៧-១៩៨៩)

៩. លោក Jiang Zemin (១៩៨៩-២០០២)

១០. លោក Hu Jintao (២០០២-២០១២)

១១. លោក Xi Jinping (២០១២-បច្ចុប្បន្ន)៕