ហេតុការណ៍ដ៏សោកសៅនេះកើតឡើងនៅច្រកផ្លូវតូចមួយមួយក្បែរសណ្ឋាគារ Hamilton ដែលជាតំបន់កម្សាន្តពេលរាត្រីដ៏មានប្រជាប្រិយនៅទីក្រុងសេអ៊ូល។ មនុស្សជាច្រើនពាន់នាក់ សម្រុកទៅទីនោះដើម្បីអបអរបុណ្យ Halloween ។

 

មន្រ្តីផ្នែកអគ្គិភ័យកូរ៉េខាងត្បូងបញ្ជាក់ថា ជនបរទេសពីរនាក់ស្ថិតក្នុងចំណោមអ្នកស្លាប់១៤៩នាក់ ដែលតួលេខនេះអាចនឹងកើនឡើងថែមទៀត។ ជនបរទេស១៥នាក់ទៀតក៏រងរបួសដែរ។

 

មិនទាន់មានការបញ្ជាក់ហេតុផលដែលនាំឱ្យមានការប្រជ្រៀតគ្នាដល់ស្លាប់នេះឡើយ។ ទីភ្នាក់ងារព័ត៌មាន Yonhap ស្រង់សម្ដីជនរងគ្រោះម្នាក់ថា នៅពេលកំពុងប្រជ្រៀតគ្នា មនុស្សនៅខាងមុខបានដួល ហើយអ្នកនៅខាងក្រោយក៏ត្រូវសង្កត់ពីលើតែម្ដង។

 

ប្រធានាធិបតីកូរ៉េខាងត្បូង យូន សុកយ៉ល ដែលដឹកនាំកិច្ចប្រជុំបន្ទាន់ ក៏បញ្ជាឱ្យអាជ្ញាធរជួយសង្រ្គោះឱ្យបានលឿន ហើយស៊ើបអង្កេតករណីនេះឱ្យម៉ត់ចត់។ ដោយឡែកក្នុងសុន្ទរកថានៅថ្ងៃទី៣០ ខែតុលា លោក យូន និយាយថា ហេតុការណ៍នេះមិនគួរកើតឡើងឡើយ។

 

ប្រធានាធិបតីអាម៉េរិក ចូ បៃឌិន ក៏បានផ្ញើសាររំលែកទុក្ខដែរ។ លោក បៃឌិន សរសេរលើ Twitter ថា អាម៉េរិកឈរជាមួយកូរ៉េខាងត្បូងក្នុងហេតុការណ៍អាក្រក់នេះ៕