ប្រជាជននៃបណ្តាប្រទេសទាំងអស់នៅលើពិភពលោក មានជនបរទេសជាមធ្យមប្រហែល​ ៥ភាគរយ ប៉ុណ្ណោះ។ ក្នុងនោះប្រជាជនអន្តោប្រវេសន៍ដែលមានភាគរយនាំមុខគេបានទៅលើអេមីរ៉ាតអារ៉ាប់រួមមានអត្រារហូតដល់ជាង៨៨ភាគរយ ខណៈតាមពីក្រោយដោយប្រទេសកាតាចំនួន ៧៧ភាគរយ។ គុយវ៉ែតឈរនៅលំដាប់ទីបីដែលជាប្រទេសមានជនអន្តោប្រវេសន៍ចំនួន ៧៣ភាគរយ ស្របពេលដែលប៉ារ៉ែនមានចំនួន ៥៥ភាគរយ។ 

រូបភាពកាត់តពី Visual Capitalist ។

ទន្ទឹមនេះ នៅខាងក្រៅមជ្ឈិមបូព៌ាវិញ សិង្ហបុរីមានភាគរយខ្ពស់បំផុតនៃជនអន្តោប្រវេសន៍ដែលមានចំនួន ៤៣ភាគរយ បន្ទាប់មកគឺអូស្ត្រាលីក្នុងអត្រា៣០ភាគរយ ។ នេះបើតាមស្ថិតិរបស់អង្គការសហប្រជាជាតិ។ 
 

ទោះបីជាមិនស្ថិតក្នុងលំដាប់កំពូលទាំង ២០ អាម៉េរិកដែលមានអត្រាជនអន្តោប្រវេសន៍១៥ភាគរយ ជាប្រទេសដែលមានចំនួនជនអន្តោប្រវេសន៍ច្រើនជាងគេលើពិភពលោកដែលមានរហូតដល់ ៥០លាននាក់ បន្ទាប់មកគឺអាល្លឺម៉ង់ដែលមាន ១៦លាននាក់។ 
 

ដោយឡែក ប្រទេសដែលមានភាគរយទាបបំផុតនៃចំនួនជនអន្តោប្រវេសន៍នោះ បានទៅលើប្រទេសគុយបាមានត្រឹមតែ០,០៣ភាគរយប៉ុណ្ណោះ។ ចិន និងវៀតណាម តាមពីក្រោយដោយអត្រា០,០៧ភាគរយ និង០,០៨ភាគរយរៀងគ្នា។
 

ប្រទេសដែលនៅសេសសល់ក្នុងចំណោមប្រទេសទាំង១០ ដែលមានភាគរយជនអន្តោប្រវេសន៍ទាបបំផុតរួមមាន ឥណ្ឌូណេស៊ី (០,១៣ភាគរយ) ម៉ាដាហ្កាស្កា (០,១៣ភាគរយ) មីយ៉ាន់ម៉ា (០,១៤ភាគរយ) ហៃទី (០,១៧ភាគរយ) កូរ៉េខាងជើង (០,១៩ភាគរយ) ស្រីលង្កា (០,១៩ភាគរយ) និងហ្វីលីពីន (០,២១ភាគរយ) ។