ក្នុងដំណើរឆ្ពោះទៅព្រឹត្តិការណ៍កីឡាអាស៊ីអាគ្នេយ៍លើកទី៣២ ឆ្នាំ២០២៣ ដែលកម្ពុជាទទួលរៀបចំធ្វើជាម្ចាស់ផ្ទះសហព័ន្ធកីឡាការ៉ាតេកម្ពុជា បានខិតខំពង្រឹងសមត្ថភាព គ្រូបង្វឹក មន្រ្តីអាជ្ញាកណ្តាល និងអត្តពលិកត្រៀមប្រជែងមេដាយសម្រាប់ព្រឹត្តិការណ៍ស៊ីហ្គេមនៅកម្ពុជា។ អត្តពលិក១៦រូបដែលត្រូវចូលរួមប្រកួតមានពីរប្រភេទវិញ្ញាសារ ក្នុងនោះរួមមាន វិញ្ញាសា ប្រយុទ្ធ(Kumite), សម្ដែង(Kata) អាយុក្រោម២១ឆ្នាំ Junior, Under 21, Senior។

 

ទន្ទឹមនឹងការចង់បាននូវសេចក្តីទុកចិត្តឱ្យបានគ្រប់គ្រាន់ និងគ្រប់ជ្រុងជ្រោយសហព័ន្ធបានបញ្ជូនអត្តពលិកចេញទៅប្រកួតនៅប្រទេសនានារាល់កម្មវិធីដែលបានរៀបចំដើម្បីទទួលបានបទពិសោធ ក៏ដូចជាបច្ចេកទេសថ្មីៗសម្រាប់សម្លៀងមុខគុន នឹងយល់ឱ្យកាន់តែច្បាស់ពីការលក្ខន្តិកៈនៃការប្រកួតលំដាប់អន្តរជាតិ។

 

គួរបញ្ជាក់បន្ថែមផងដែរថា សហព័ន្ធបញ្ជូនមន្រ្តីអាជ្ញាកណ្តាលប្រលងយកអាជ្ញាប័ណ្ណមន្រ្តីអាជ្ញាកណ្តាលតំបន់អាស៊ី៥នាក់ កីឡាករ៩នាក់ និងកីឡាការិនី៧នាក់ ចូលរួមប្រកួតកីឡាការ៉ាតេជើងឯកអាស៊ីលើកទី១៨ នៅប្រទេសអ៊ូសបេគីស្ថាន ដែលមប្រទេសជាង៤០ចូលរួម៕