ជាតិ
Thmeythmey.com ទទួលបានសិទ្ធិប្រើប្រាស់រូបថតជាង២០ម៉ឺនសន្លឹកពីលោក Jean-Michel Gallet
16, Dec 2022 , 11:45 am
×![]()
ដោយ: សារព័ត៌មានថ្មីៗ
លោក Jean-Michel Gallet ជំនាញផ្នែកកសិកម្ម តែស្រឡាញ់ការងារថតរូប បានចំណាយពេលជាង៤០ឆ្នាំដើម្បីថតរូបនៅក្នុងប្រទេសជាច្រើន ក្នុងនោះ ក៏មានប្រទេសកម្ពុជាផងដែរ។
ករណីនៅក្នុងទ្វីបអាស៊ី លោក Jean-Michel Gallet បានថតរូបជាច្រើននៅក្នុងប្រទេសឥណ្ឌូនេស៊ី ឡាវ វៀតណាម និងកម្ពុជា។ នៅក្នុងប្រទេសកម្ពុជា លោក Jean-Michel Gallet បានផ្តិតយករូបភាពកម្ពុជាតាំងពីទសវត្សរ៍៩០។ ស្ថិតនៅក្នុងអាយុ៧៥ឆ្នាំ អ្នកសេ្នហារូបថតរូបនេះ បានបញ្ជាក់ប្រាប់ថា លោកនៅតែបន្តថតរូបតទៅទៀត។
ដើម្បីថតរូប លោក Jean-Michel Gallet ប្រើប្រាស់ម៉ូតូដើម្បីធ្វើដំណើរ។ បុរសជនជាតិបារាំងរូបនេះ បានប្រាប់ថា ក្នុងរយៈពេលជាង៣០ឆ្នាំនេះ លោកបានថតរូបពីប្រទេសកម្ពុជាជាង២០ម៉ឺនសន្លឹក, ឡាវជាង១០ម៉ឺនសន្លឹក, វៀតណាមជាង២ម៉ឺនសន្លឹក, ឥណ្ឌូនេស៊ីជាង២០ម៉ឺនសន្លឹក។
លោកបានថតជីវិតប្រចាំថ្ងៃរបស់ប្រជាជនខ្មែរ ដូចជា អ្នកនេសាទ ជីវិតកុមារនៅតាមជនបទ សកម្មភាពកសិកម្មខ្មែរ។ល។ រូបថតដែលថតដោយលោក Jean-Michel Gallet ធ្វើឡើងជាលក្ខណៈធម្មជាតិសុទ្ធសាធ មានន័យថា រូបថតទាំងអស់មិនមែនជារូបថតរៀបចំដើម្បីថតឡើយ៕
© រក្សាសិទ្ធិដោយ thmeythmey.com
