រោងចក្រផលិតសម្បកកង់នេះវិនិយោគដោយ ក្រុមហ៊ុន General Science Technology ដែលជាក្រុមហ៊ុនផលិតសម្បកកង់រថយន្តរបស់ប្រទេសចិន។ រោងចក្រនេះ អាចផ្ដល់ការងារចំនួន ១ ៥០០នាក់។ ដំណាក់កាលដំបូង រោងចក្រនេះ អាចផលិតសម្បករថយន្តប្រភេទឡានតូច ១៥ ០០០គ្រឿង ក្នុងមួយថ្ងៃ ដោយសម្បកមួយអាចប្រើពេល ៣៨វិនាទី។ ដោយឡែក សម្បកកង់ឡាណធំ អាចផលិតបាន ២៥០០ក្នុងមួយថ្ងៃ ដោយសម្បកមួយអាចប្រើពេល ៦០វិនាទី ។ រោងចក្រនេះ នឹងប្រើប្រាស់កៅស៊ូ ៣០០តោន។ បច្ចុប្បន្ន រោងចក្រនេះ ក៏មានសាខានៅប្រទេសចិន និងប្រទេសថៃ ហើយសម្បកកង់ដែលផលិតរួចនាំទៅកាន់សហរដ្ឋអាម៉េរិក។ 

 

លោក គួច ចំរើន អភិបាលខេត្តព្រះសីហនុ បានថ្លែងថា យុវជនខ្មែរ ត្រូវខិតខំរៀនសូត្រសម្រាប់បំពេញការងារនៅក្នុងខេត្តព្រះសីហនុ ដែលមានរោងចក្រ សហគ្រាសដែលប្រើប្រាស់កម្មករជំនាញបច្ចេកទេស។ លោក គួច ចំរើន មិនចង់ឱ្យមានការនាំចូលវត្ថុធាតុដើមពីក្រៅប្រទេស ព្រោះកម្ពុជាជាប្រទេសកសិកម្ម។

 

ក្រៅពីរោងចក្រផលិតកង់ឡាន ខេត្តព្រះសីហនុ ក៏មានរោងចក្រថ្មីៗបន្ថែមដូចជា រោងចក្រផលិតផលសូឡា ដោយប្រើគ្រឿងយន្ត។  រោងចក្រ ផលិតគ្រឿងសង្ហារឹម និងរោងចក្រ ផលិតបន្ទះសូឡា៕