PRUសន្សំ ជួយឱ្យអតិថិជនមានភាពងាយស្រួលក្នុងការការគ្រប់គ្រងហិរញ្ញវត្ថុរបស់ខ្លួន ដោយសារតែម្ចាស់បណ្ណសន្យារ៉ាប់រងអាចកំណត់ចំនួនទឹកប្រាក់ជាក់លាក់ណាមួយសម្រាប់ការបង់តែមួយលើក ជាប្រចាំខែ ឬជាប្រចាំឆ្នាំ ដែលចាប់ផ្តើមពី $5 ក្នុងមួយខែ ឬ $30 ក្នុងមួយឆ្នាំ។  

 

ម្ចាស់បណ្ណសន្យារ៉ាប់រង នឹងទទួលបានទឹកប្រាក់ត្រលប់មកវិញ នៅពេលបណ្ណសន្យារ៉ាប់រងដល់កាលកំណត់ ហើយអាចនឹងទទួលបានការប្រាក់បន្ថែមទៀតផងដែរ (មិនធានា)។ បន្ថែមពីនេះ អតិថិជននឹងទទួលបានការការពារពេញលេញកំទ្បុងពេលប្រើប្រាស់បណ្ណសន្យារ៉ាប់រងផងដែរ។ 

 

លោក Sanjay Chakrabarty អគ្គនាយកប្រតិបត្តិនៃក្រុមហ៊ុន ព្រូដិនសលកម្ពុជាបានមានប្រសាសន៍ថា “ក្រុមហ៊ុន ព្រូដិនសលកម្ពុជា នឹងបន្តដាក់លក់នូវគម្រោងផលិតផលកំពុងឈានមុខគេលើទីផ្សារដែលបង្កើនទាំងការការពារផ្នែកហិរញ្ញវត្ថុ និងរួមបញ្ជូលនូវដំណោះស្រាយនានាចំពោះឧបសគ្គទូទៅលើការទិញធានារ៉ាប់រងដូចជាបញ្ហាតម្លៃ និងភាពងាយស្រួលជាដើម”។

 

លោកបានបន្ថែមថា "កញ្ចប់ផលិតផល PRUសន្សំ ថ្មីនេះ នឹងជួយប្រជាជនកម្ពុជា បង្កើតទម្លាប់លើការសន្សំប្រាក់ ខណៈពេលដែលពួកគេ និងក្រុមគ្រួសារ ត្រូវបានការពារយ៉ាងពេញលេញពេលមានហេតុការណ៍អកុសលណាមួយកើតឡើង" ។ 

 

 

ម្ចាស់បណ្ណសន្យារ៉ាប់រងរបស់ផលិតផល PRUសន្សំ មិនតម្រូវឱ្យមានការត្រួតពិនិត្យសុខភាពណាមួយឡើយ។ បណ្ណសន្យារ៉ាប់រង នឹងត្រូវបានចេញភ្លាមៗបន្ទាប់ពីអតិថិជនបានបំពេញព័ត៌មានចាំបាច់ទាំងអស់ ហើយគម្រោងនេះ អាចទិញបានយ៉ាងឆាប់រហ័ស និងងាយស្រួលនៅលើគេហទំព័ររបស់ ក្រុមហ៊ុន ព្រូដិនសលកម្ពុជា។ 

 

ផលិតផល PRUសន្សំ ផ្តល់ការការពារទៅលើករណីមរណភាព ឬ ពិការទាំងស្រុង និងជាអចិន្រ្តៃយ៍ (TPD) ព្រមជាមួយទំហំទឹកប្រាក់ត្រលប់មកវិញរហូតដល់ 111% នៃចំនួនបុព្វលាភធានារ៉ាប់រងសរុបដែលបានបង់ នៅពេលបណ្ណសន្យារ៉ាប់រងដល់កាលកំណត់។

 

អតិថិជនដែលអាចជាវផលិតផលនេះ គឺត្រូវតែជាពលរដ្ឋខ្មែរ ឬអ្នកដែលកំពុងរស់នៅក្នុងប្រទេសកម្ពុជាយ៉ាងតិច 6 ខែ ដោយមានអាសយដ្ឋានស្នាក់នៅពិតប្រាកដនៅប្រទេសកម្ពុជា និងមានអាយុចាប់ពី 18 ដល់ 45 ឆ្នាំ។  

 

រយៈពេលកំណត់នៃបណ្ណសន្យារ៉ាប់រងគឺ 6 ឆ្នាំ ហើយអាចបន្តដោយស្វ័យប្រវត្តិទៅក្នុងរយៈពេលបូកបង្គរបន្ថែមដែលមានរយៈពេលរហូតដល់ 6 ឆ្នាំទៀត។  

 

 

ការលើកកម្ពស់បរិយាប័ន្នផ្នែកហិរញ្ញវត្ថុនៅក្នុងប្រទេសកម្ពុជាអោយកាន់តែជឿនលើន គឺជាបេសកកម្មរបស់ ក្រុមហ៊ុន ព្រូដិនសលចាប់តាំងពីការបង្កើតឡើងនៅកម្ពុជាក្នុងឆ្នាំ 2013 មក។ តម្លៃ និងភាពងាយស្រួល គឺជាឧបសគ្គធំៗបំផុតពីរ របស់ប្រជាជនកម្ពុជាក្នុងការទិញធានារ៉ាប់រង។ ដូចនេះ ក្រុមហ៊ុន ព្រូដិនសល កំពុងដោះស្រាយបញ្ហានេះដោយផ្តល់ជូននូវផលិតផលធានារ៉ាប់រងឌីជីថលដែល សាមញ្ញ និងមានតម្លៃសមរម្យ ដោយចាប់ផ្តើមពីតម្លៃអប្បបរមា $10 ក្នុងមួយឆ្នាំ។ 

 

កម្មវិធីទូរស័ព្ទដៃ Pulse ដែលដំណើរការដោយ ប្រព័ន្ធបច្ចេកវិទ្យាបញ្ញាសិប្បនិម្មិតរបស់ ក្រុមហ៊ុន ព្រូដិនសល អាចឱ្យអតិថិជនទិញបណ្ណសន្យារ៉ាប់រងអាយុជីវិតក្នុងរយៈពេលត្រឹមតែ 5 នាទីប៉ុណ្ណោះ។ កម្មវិធី Pulse ក៏អាចជួយវាយតម្លៃ និងអនុម័តការទាមទារសំណងអោយកាន់តែលឿនជាងមុន ដោយផ្តល់នូវលទ្ធភាពឱ្យអតិថិជនទទួលបាន សំណងទាន់ពេលវេលា។  

 

ជាមួយនឹងគោលបំណង ជួយឱ្យគ្រប់គ្នាទទួលបានជីវិតមួយដែលល្អប្រសើរបំផុត ក្រុមហ៊ុន ព្រូដិនសល បានប្រើពហុបណ្ដាញចែកចាយដែលដំណើរការជាឌីជីថល ដើម្បីធ្វើអោយអតិថិជនទទួលបានការថែទាំសុខភាពដែលមានតម្លៃសមរម្យ និង ងាយស្រួលប្រើប្រាស់ និងជួយ លើកកម្ពស់បរិយាប័ន្នផ្នែកហិរញ្ញវត្ថុ។  

   

សម្រាប់ព័ត៌មានបន្ថែមអំពី PRUសន្សំ អតិថិជនអាចទាក់ទងមកកាន់ លេខទូរស័ព្ទ 1800-212223 (មិនគិតថ្លៃ) ឬចុចលើតំណនេះ