បើតាមលោក ចៀប តុប សង្កាត់សំរោង មានទាំងងស់ ១៨ភូមិ និងមានពលរដ្ឋប្រមាណ២ម៉ឺននាក់រស់នៅ។ អាជ្ញាធរសង្កាត់សំរោង ទើបចាប់ផ្តើមការសាងសង់ផ្លូវបេតុងនេះ នៅក្នុង ​ឆ្នាំ២០២២ ព្រោះវាមានភាពជាប់ធន់ និងប្រើប្រាស់បានយូរជាងផ្លូវក្រួសក្រហម និងផ្លូវដីសដែលមាននៅក្នុងសង្កាត់។ លោកចៀប តុប ចៅសង្កាត់ បានអះអាងថា៖«ផ្លូវបេតុង មុនពេលខូច ក៏មានភាពរឹងមាំបានយូរអង្វែង។ វាមានអត្ថប្រយោជន៍ច្រើនចំពោះពលរដ្ឋ និងអ្នកធ្វើចរាចរណ៍ផ្សេងៗទៀត ដោយមានភាពងាយស្រួលជាងមុន និងលើកសោភ័ណភាពទីក្រុងផង​»។    
 

ហេដ្ឋារចនាសម្ព័ន្ធផ្លូវ គឺជាតម្រូវការដ៏ចាំបាច់មួយរបស់ពលរដ្ឋ។ ប៉ុន្តែ លោក ចៀប តុប ពន្យល់ថា អាជ្ញាធរពុំមានលទ្ធភាពអភិវឌ្ឍន៍បានគ្រប់ភូមិ ក្នុងរយៈពេលខ្លីនោះទេ ព្រោះថវិកាអភិវឌ្ឍន៍ដែលវិភាជពីរដ្ឋាភិបាលនៅមានកម្រិត។ ដូច្នេះអាជ្ញាធរសង្កាត់ ត្រូវរៀបចំ និងកំណត់ទីតាំងអាទិភាពដែលត្រូវអភិវឌ្ឍន៍តាមកញ្ចប់ថវិកាដែលមានដែរ។ «បើសម្រេចធ្វើផ្លូវក្នុងមួយឆ្នាំមួយភូមិ គឺមានការលំបាក ព្រោះនៅក្នុងសង្កាត់សំរោងមាន១៨ភូមិ។ ដូច្នេះហើយភូមិទី១៨ នឹងរង់ចាំយូ។ ដំណោះស្រាយគឺយើងត្រូវធ្វើទៅតាមលទ្ធភាពដែលអាចធ្វើទៅបាន តាមភូមិនីមួយៗពោលគឺត្រូវចែករំលែកគ្នា»។ លោក ចៀប តុប បញ្ជាក់ដូច្នេះ ដោយចៅសង្កាត់រូបនេះ បន្តប្តេជ្ញាក្នុងការផ្ដល់សេវាជូនពលដ្ឋឱ្យបានល្អ៕

 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ