លោក រ៉ន សំអាន់ បានឱ្យដឹងថា  ក្នុងគម្រោងនីមួយៗ សង្កាត់នឹងអភិវឌ្ឍន៍ទៅតាមជំហាន និងថវិកា។ លោក រ៉ន សំអាន់ អះអាងដូច្នេះ៖ «សង្កាត់កូនគ្រៀលយើងមានការអភិវឌ្ឍន៍គឺមិនមែនជំរុញទៅលើតែវិស័យហេដ្ឋារចនាសម្ធ័នទេ។យើងបានត្រៀមតាំងពីវិស័យសុខាភិបាលវិស័យសាធារណៈនិងរដ្ឋបាលទាំងព្រមគ្នាតែម្តង។យើងជំរុញចំណុចសំខាន់ៗគឺប្រឹងផ្តល់សេវាតាមតម្រូវការ និងមានគម្រោងបង្កើតមត្តេយ្យបន្ថែម ។ រីឯ ពាក់ព័ន្ធនឹងសុខាភិបាលឃុំបានរៀបចំចុះជំរុញទៅដល់មូលដ្ឋានផ្ទាល់ ទាំងអស់នេះជាគោលដៅសម្រាប់២០២៣»។

 

ចៅសង្កាត់រងរូបនេះ បានបន្ថែមថា ការអភិវឌ្ឍន៍ក្នុងសង្កាត់កន្លងមក ទទួលបានផ្លែផ្កាល្អ ដោយសារមានការចូលរួម និងសហការពីអាជ្ញាធរមូលដ្ឋាន ជាពិសេសមានការចូលរួមយ៉ាងសកម្មពីពលរដ្ឋ។ លោក រ៉ន សំអាន់ រំពឹងថាពលរដ្ឋ និងអាជ្ញាធរមូលដ្ឋានភូមិ និងបន្តសហការជាមួយសង្កាត់ ដើម្បីឱ្យការអភិវឌ្ឍន៍ក្នុងសង្កាត់កូនគ្រៀលកាន់តែរីកចម្រើន។