ជាតិ
អត្ថបទពាណិជ្ជកម្ម
FWD Cambodia ផ្ដល់សំណងធានារ៉ាប់រងអាយុជីវិតដំបូងបំផុតក្នុងប្រទេសកម្ពុជា 11, Apr 2023 , 9:44 am
× ក្រុមហ៊ុនធានារ៉ាប់រងអាយុជីវិត FWD Cambodia បានប្រកាសនៅថ្ងៃនេះ អំពីការផ្ដល់សំណងធានារ៉ាប់រងអាយុជីវិតដំបូងបំផុតរបស់ខ្លួនក្នុងខេត្តសៀមរាប បន្ទាប់ពីក្រុមហ៊ុនចាប់ផ្តើមប្រតិបត្តិការអាជីវកម្មក្នុងប្រទេសកម្ពុជា កាលពីខែកញ្ញា ឆ្នាំ២០២១។
ក្រុមហ៊ុនបានធ្វើការផ្តល់សំណងនេះ កាលពីថ្ងៃទី៣១ ខែមីនា ឆ្នាំ២០២៣ ជូនទៅកាន់អ្នកទទួលផល ដែលត្រូវជាសមាជិកគ្រួសាររបស់អតិថិជន FWD ម្នាក់ ក្រោយពេលអតិថិជនបានទទួលមរណភាព ដោយគ្រោះអកុសលក្នុងហេតុការណ៍ខ្យល់កន្ត្រាក់ នៅតាមដងផ្លូវមួយក្នុងខេត្តសៀមរាប។ ក្រុមហ៊ុន បានទូទាត់សំណងនោះ ក្នុងរយៈពេល ១ថ្ងៃ បន្ទាប់ពីទទួលបានការដាក់ពាក្យស្នើសុំសំណង និងឯកសារពាក់ព័ន្ធ។
នាយិកាគ្រប់គ្រងនាយកដ្ឋានហិរញ្ញវត្ថុ និងនាយិកាចាត់ការទូទៅស្ដីទី នៃក្រុមហ៊ុន FWD Cambodia កញ្ញា ថៃ សុច័ន្ទណា បានមានប្រសាសន៍ថា៖ “យើងខ្ញុំសូមសម្តែងការសោកស្តាយជាពន់ពេក ចំពោះហេតុការណ៍អកុសលនេះ ហើយយើងខ្ញុំក៏សូមចូលរួមរំលែកទុក្ខដ៏ក្រៀមក្រំនេះ ជាមួយក្រុមគ្រួសារ សាច់ញាតិ និងមនុស្សជាទីស្រលាញ់របស់អតិថិជនយើងផងដែរ។”
“ការបន្តភាពជឿជាក់ និងទំនុកចិត្តមកលើវិស័យធានារ៉ាប់រងអាយុជីវិតនៅកម្ពុជា មានសារៈសំខាន់ណាស់សម្រាប់ក្រុមគ្រួសារកម្ពុជា ដើម្បីទទួលបានការការពារផ្នែកហិរញ្ញវត្ថុ ជាពិសេសនៅក្នុងពេលវេលាលំបាក និងមានតម្រូវការចាំបាច់បំផុត។ បន្ទាប់ពីយើងទទួលបានព័ត៌មាននេះភ្លាម យើងបានទាក់ទងទៅក្រុមគ្រួសារ និងភាគីពាក់ព័ន្ធទាំងអស់ ដើម្បីជួយសម្រួលដល់ដំណើរការទាំងមូល ពីព្រោះយើងចង់ផ្តល់នូវការគាំទ្រដ៏ល្អបំផុតជូនដល់ក្រុមគ្រួសារដែលត្រូវបានធានា នៅពេលដែលពួកគាត់ត្រូវការយើងបំផុត។”
អ្នកនាំពាក្យរបស់ក្រុមហ៊ុន FWD Cambodia កញ្ញា សុច័ន្ទណា ក៏បានបញ្ជាក់ផងដែរថា នេះគឺជាសក្ខីភាពមួយ ដែលបង្ហាញថាក្រុមការងាររបស់ FWD Cambodia ទាំងអស់បានបំពេញតាមការសន្យារបស់ខ្លួនជូនអតិថិជន។
អំពីក្រុមហ៊ុនធានារ៉ាប់រងអាយុជីវិត FWD
ក្រុមហ៊ុន FWD (FWD Group) ជាក្រុមហ៊ុនធានារ៉ាប់រងអាយុជីវិតឈានមុខគេមួយក្នុងតំបន់អាស៊ី ដែលមានអតិថិជនជាង ១០ លាននាក់ ក្នុងទីផ្សារចំនួន ១០ ដោយក្នុងនោះរួមមាន ទីផ្សារដែលរីកចម្រើនរហ័សបំផុត ក្នុងពិភពលោកលើវិស័យធានារ៉ាប់រងផងដែរ។ ក្រុមហ៊ុន FWD បានឈានចូលខួប ១០ឆ្នាំ នៅក្នុងឆ្នាំ ២០២៣ ហើយជាក្រុមហ៊ុនដែលផ្តោតលើការយកចិត្តទុកដាក់បំផុត ក្នុងការផ្ដល់បទពិសោធន៍ និងសេវាកម្មដែលសាមញ្ញជាងមុន រហ័សជាងមុន ងាយស្រួលយល់ជាងមុន ជាមួយបច្ចេកវិទ្យាឌីជីថល។ តាមរយៈយុទ្ធសាស្ត្រ ក្នុងការយកអតិថិជនជាគោល ក្រុមហ៊ុន FWD មានគោលដៅក្នុងការផ្ដល់បទពិសោធន៍ថ្មី លើសេវាធានារ៉ាប់រងជូនដល់អតិថិជន។ សូមចូលទៅកាន់គេហទំព័រ៖
www.fwd.com។
ក្រុមហ៊ុន FWD បានចាប់ផ្តើមប្រតិបត្តិការក្នុងប្រទេសកម្ពុជាកាលពីខែកញ្ញា ឆ្នាំ២០២១ និងត្រូវបានទទួលស្គាល់ជាក្រុមហ៊ុនធានារ៉ាប់រងបែបឌីជីថលថ្មី ដែលមានភាពច្នៃប្រឌិតបំផុតក្នុងប្រទេសកម្ពុជា ពីស្ថាប័ន Global Business Outlook Awards នៅចក្រភពអង់គ្លេស។ សម្រាប់ព័ត៌មានបន្ថែម សូមចូលទៅកាន់គេហទំព័រ៖
www.fwd.com.kh ឬហ្វេសប៊ុកផេក
FWD Cambodia ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com