ក្នុងដំណើរទស្សនកិច្ចនៅអ៊ុយក្រែនដោយមិនប្រកាសជាមុន Jens Stoltenberg អគ្គលេខាធិការអង្គការណាតូ បានគោរពវិញ្ញាណក្ខន្ធយោធាអ៊ុយក្រែន ដែលបានបាត់បង់ជីវិតក្នុងការការពារដែនដីភាគខាងកើតរបស់អ៊ុយក្រែន ក៏ដូចជាតួ្រតពិនិត្យលើរថយន្តពាសដែករបស់រុស្ស៊ី ដែលអ៊ុយក្រែនរឹបអូសបាន។ 

 

តាមរូបភាពពីទីភ្នាក់ងារព័ត៌មាន Reuters បន្ទាប់ពីគោរពវិញ្ញាណក្ខន្ធយោធាអ៊ុយក្រែន លោក Stoltenberg បានដើរចូលទៅក្នុងរថយន្ត និងដើរចេញពីទីកន្លែងនោះ។ 

 

ដូចដំណើររបស់មេដឹកនាំនៃបណ្តាប្រទេសផ្សេងៗទៅអ៊ុយក្រែនក្នុងអំឡុងពេលសង្រ្គាម លោក Stoltenberg មិនមានការប្រកាសដំណឹងជាមុនឡើយ។ ដំណើរទស្សនកិច្ចនៃមេដឹកនាំទាំងនោះ តែងតែជួបជាមួយលោក វ៉ូឡូឌីមៀ ហ្សេលេនស្គី ដើម្បីជជែកពីកិច្ចសហប្រតិបត្តិការ ក៏ដូចជាការផ្តល់ជំនួយយោធាផ្សេងៗ ដើម្បីទប់ជាមួយកម្លាំងរុស្ស៊ី៕