វិញ្ញាសាអុកចត្រង្គដែលប្រព្រឹត្តិទៅនាទីតាំងសកលវិទ្យាល័យភូមិន្ទភ្នំពេញ និងជាវិញ្ញាសាដែលត្រូវបានលេងមុនគេបង្អស់នៃកីឡាស៊ីហ្គេមកម្ពុជា ឆ្នាំ ២០២៣ អត្តពលិកកម្ពុជាលោក សុខ លឹមហេង ជាកីឡាករឈរកំពូលតារាងពូល A ក្រោយបញ្ចប់ការប្រកួតចំនួន ៥ជុំ ធ្វើបានពិន្ទុចំនួន ៤,៥ ដោយការប្រកួតនោះឈ្នះ ៤ជុំ និងស្មើ ១ជុំ។ ពូល A មានអត្តពលិកមកពីប្រទេស ថៃ, វៀតណាម, មីយ៉ាន់ម៉ា, ហ្វីលីពីន និងឡាវ។ 
 

ចំណាត់ថ្នាក់លេខ ២ ពូល A បានទៅលើកីឡាករវៀតណាម Guang Trung Nguyen ដែលរកបាន ៤ពិន្ទុ។
 

ចំណែកលោក នូ ច័ន្ទផានិត ជាកីឡាករឈរកំពូលតារាងពូល B ដែលរកបានពិន្ទុចំនួន ៤,៥ ពីការប្រកួត ៥ជុំដូចគ្នា ដោយឈ្នះ ៤ជុំ និងស្មើ ១ជុំ។ ចំណាត់ថ្នាក់ពូល លេខ ២ ពូល B បានទៅលើកីឡាករវៀតណាម Nam Thang Hoang រកបាន ៤ពិន្ទុ។
 

ការប្រកួតលើប្រភេទវិញ្ញាសាអុកចត្រង្គនេះទៀតសោត មានការប្រកួតចាប់ពីថ្ងៃទី២៩ ខែមេសា រហូតដល់ថ្ងៃទី៩ ខែឧសភា៕