កីឡាជាតិ
ជាតិ
ស៊ីហ្គេម២០២៣
បំណងប្រាថ្នាបានសម្រេច! កីឡាការិនីប៊ីយ៉ា ស្រួង ភាវី បានឈ្នះមេដាយមាសស៊ីហ្គេមជូនជាតិហើយ 08, May 2023 , 7:26 pm
× កីឡាការិនី ស្រួង ភាវី បានក្លាយជាម្ចាស់មេដាយមាសវិញ្ញាសាការ៉ុម៣បាំង នៃប្រភេទកីឡាប៊ីយ៉ា ស្នូកឃ័រ ក្នុងព្រឹត្តិការណ៍កីឡាស៊ីហ្គេមលើកទី៣២នៅផ្សារទំនើបអ៊ីអន២ ល្ងាចថ្ងៃទី៨ ខែឧសភានេះ។
ស្រួង ភាវី បានយកឈ្នះកីឡាការិនីវៀតណាម Hong Yen Nhi Nguyen ក្នុងលទ្ធផល ២៥-២០ នៅវគ្គផ្តាច់ព្រ័ត្រ។ នៅវគ្គពាក់កណ្តាលផ្តាច់ព្រ័ត្រ ភាវី ក៏បានឈ្នះកីឡាការិនីវៀតណាមម្នាក់ទៀត គឺ Kien Tuong Phung ក្នុងលទ្ធផល ២៥-១០ ផងដែរ បន្ទាប់ពីបានទម្លាក់កីឡាការិនីហ្វីលីពីន Chezka Luy Centeno កាលពីថ្ងៃទី៧ ខែឧសភា។
ឈ្នះមេដាយមាសជូនជាតិ ជាពិសេសពីព្រឹត្តិការណ៍កីឡាស៊ីហ្គេម គឺជាក្តីសុបិនរបស់ កីឡាការិនីភារី អស់រយៈពេលជាច្រើនឆ្នាំមកហើយ បើទោះបីជាកីឡាការិនីរូបនេះ ជោគជ័យធំធេងក្នុងអាជីពនៅកូរ៉េខាងត្បូងរួចហើយក៏ដោយ៕
© រក្សាសិទ្ធិដោយ thmeythmey.com