​សម្រាប់តម្លៃនៃការផ្ទេរទៅក្លិបស្ថិតនៅក្នុងក្របខណ្ឌ Saudi Pro League មិនត្រូវបានបញ្ជាក់ឡើយ ប៉ុន្តែការផ្សាយរបស់ប្រព័ន្ធផ្សព្វផ្សាយរបស់អ៊ីតាលីបានឱ្យដឹងថា តម្លៃនៃការផ្ទេរប្រមាណ ១៨លានអឺរ៉ូ (១៨,៦៣លានដុល្លារ)។
  

«អ្នកគ្រប់គ្នាចង់បានគាត់ គាត់ចង់បានយើងដូចគ្នា។»។ ក្លិប Al-Nassr សរសេរនៅលើបណ្តាញសង្គម Twitter បែបនេះ។ ដោយឡែកសម្រាប់កីឡាករខ្សែបម្រើសញ្ជាតិក្រូអាស៊ីវិញបាននិយាយដូច្នេះថា ៖ « កុំបារម្ភអីខ្ញុំនៅទីនេះហើយ ខ្ញុំជ្រើសរើសក្លិប Al-Nassr។»។
 

​Brozovic វ័យ ៣០ឆ្នាំ បានចូលរួមក្រុម Inter Milan ក្នុងឆ្នាំ ២០១៥ និងបានជួយក្រុមស្ថិតក្នុងក្របខណ្ឌ Serie A ក្នុងឆ្នាំ ២០២០​-២១ ឈ្នះពានរង្វាន់ Italian Cup និងពានរង្វាន់ជាបន្តបន្ទាប់ក្នុងរដូវកាល ២០២២-២៣។ Brozovic ក៏បានជាកីឡាករម្នាក់លេងឱ្យក្រុម Inter នៅក្នុងការប្រកួត Champions League វគ្គផ្តាច់ព្រ័ត្រដែលរងបរាជ័យក្រោមថ្វីជើងក្រុម Manchester City លទ្ធផល ១-០ រដូវកាលមុន។
 

ក្របខណ្ឌ Saudi Pro League បានក្លាយជាក្របខណ្ឌដ៏ទាក់ទាញមួយពីសំណាក់កីឡាករស្ថិតនៅក្នុងតំបន់អឺរ៉ុបចាប់តាំងពី Cristiano Ronaldo បានផ្លាស់ទៅកាន់ក្លិប Al-Nassr តាំងពីខែមករា។ 
 

នារយៈពេលចុងក្រោយមកនេះ ខ្សែប្រយុទ្ធ Karim Benzema ខ្សែបម្រើ N’Golo Kante បានទៅចូលរួមជាក្លិប Al-Ittihad។ ខ្សែការពារ​​ Kalidou Koulibaly ទៅចូលរួមក្រុម Al-Hilal និងអ្នកចាំទី Eduard Mendy ទៅចូលរួមក្លិប Al-Ahli៕