គ្រប់វីដេអូដែល លោក ឡា ផានិត បានបង្ហោះចេញលើបណ្ដាញសង្គមម្ដងៗ មានអ្នកចូលចិត្ត និងទស្សនាជាច្រើនរាប់ពាន់រាប់លាននាក់ ព្រោះសុទ្ធសឹងតែឆ្លុះបញ្ចាំងនូវជីវិតរស់នៅប្រចាំថ្ងៃ  អាជីវកម្ម មុខជំនួញ ដំណើរកម្សាន្ត និងសុភមង្គលដ៏ផ្អែមល្ហែម នៃក្រុមគ្រួសាររបស់លោកផ្ទាល់។ 
 

ជាក់ស្តែង គិតមកដល់ពេលនេះ សម្រាប់គណនី TikTok របស់ លោក ឡា ផានិត ដែលមានឈ្មោះថា  “Pu Nith E Ka-ពូនិត អ៊ីកា”  មានអ្នកតាមដាន (Follower) រហូតទៅដល់ ១.៩លាននាក់ និងLike ៩២.៩ លាន ដែលជាចំនួនមួយដ៏ច្រើនលើសលប់ផងដែរ។ ចំណែកហ្វេសប៊ុកវិញ មានអ្នកតាមដាន រហូតដល់ ១៣៣ ពាន់នាក់ និងអ្នកចូលទនស្សនាវីដេអូជាមធ្យម ១៣០ ពាន់ដង។ 
  

លោក ផានិត បានបន្ថែមថា៖ “សម្រាប់ខ្ញុំអត់ចេះសម្តែងទេ គឺចូលចិត្តធ្វើអ្វីដែលជាការពិត និងចេញពីបេះដូង ដូច្នេះទើបមាតិការបស់ខ្ញុំតែងតែឆ្លុះបញ្ចាំងនូវសកម្មភាពជាលក្ខណៈគ្រួសារ និងដំណើរកម្សាន្ត ប៉ុន្តែបែរជាទទួលបានការគាំទ្រលើសពីការរំពឹងទុកទៅវិញ។ ខ្ញុំគិតថា នេះគឺជាសម័យ គេពេញនិយម មាតាវីដេអូ អាស្រ័យហេតុនេះ ប្រសិនបើចង់ល្បី មានអ្វីទៅពិបាក ដោយគ្រាន់តែសម្លឹងមើលតម្រូវការមហាជន ថាពួកគាត់ចូលចិត្តអ្វី ហើយចង់បានមាតិកាបែបណាដែរ អាស្រ័យហេតុនេះ យើងត្រូវផលិតវីដេអូឲ្យចំគោលដៅរបស់ពួកគាត់”។ 

 

បច្ចុប្បន្ន លោក ផានិត មិនត្រឹមតែក្តោបបានតំណែងជាតារា Influencer ដ៏ឆ្នើម ក្នុងបេះដូងមហាជនប៉ុណ្ណោះទេ ប៉ុន្ដែថែមទាំងក្លាយជាសហគ្រិនជោគជ័យវ័យក្មេង ដ៏ឆ្នើមនៅក្នុងព្រះជាណាចក្រកម្ពុជាយើងផងដែរ។ 
 

សហគ្រិនវ័យក្មេងរូបនេះ បានឲ្យដឹងថា អាជីវកម្ម ឬមុខជំនួញមួយជោគជ័យទៅបាន អាស្រ័យលើភាពឆ្លាតវៃ ការដឹកនាំល្អ ភាពប៉ិនប្រសប់ក្នុងការប្រាស្រ័យទាក់ទងគ្នា ទំនួលខុសត្រូវ ការចេះបត់បែនកាលៈទេសៈ និងនិន្នាការសង្គម។ 
  

សូមបញ្ជាក់ផងដែរថា ក្រុមហ៊ុន Skin7 Cambodia របស់លោក ឡា ផានិត មានលក់ផលិតផលឈុតថែរក្សាមុខ ស្បែកដងខ្លួន និងឡេទឹកអប់។ រាល់ផលិតផលរបស់ លោក ផានិត ឆ្លងកាត់ការតេស្តសាកល្បង និងដកស្រង់បទពិសោធន៍ច្រើនលើក ច្រើនសារ ដើម្បីធានាបាននូវគុណភាពល្អត្រឹមត្រូវតាមស្តង់ដា និងសុវត្ថិភាព 100% ដល់អ្នកប្រើប្រាស់។ 

 

ភាពជោគជ័យរបស់ លោក ឡា ផានិត បានផ្តល់ឱកាសការងារដល់ប្រជាពលរដ្ឋក្នុងស្រុក រាប់រយពាន់នាក់ តាមរយៈការបម្រើការនៅក្រុមហ៊ុន Skin7 Cambodia ដោយផ្ទាល់ ឬ ដោយប្រយោល ដូចជា ធ្វើជាតំណាងចែកចាយ និងតារាតំណាងផ្សព្វផ្សាយផលិតផលជាដើម។
 

ក្រៅពីនេះ  លោក ផានិត តែងតែចូលរួមសកម្មភាពសប្បុរសធម៌ តាមរយៈការជួយដល់កុមារកំព្រា ប្រជាជនក្រីក្រ មនុស្សចាស់ជរា  និងមន្ទីរពេទ្យគន្ធបុប្ផា៕