ជាតិ
ពីនេះ ពីនោះ
«បង់សៀត, បង្សៀត, បង់ម្សៀត» មានន័យថា បង់ប្រយោជន៍, អសារឥតការ 15, Oct 2023 , 7:29 am
× «បង់សៀត, បង្សៀត ឬ បង់ម្សៀត» ជាគុណកិរិយា និងជាគុណនាម ដែលមានន័យថា ដែលអសារឥតការ, ដែលបោះបង់ចោល, ដែលគួរចោល។ នេះបើតាមការពន្យល់ក្នុងវចនានុក្រមខ្មែរ២០២២ របស់ក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា។
ខូចបង់សៀត, ដាក់ចោលបង់សៀត ឬខូចបង់ម្សៀត។ តាមវចនានុក្រុមយើងអាច សរសេរ «បង់សៀត» ជា «បង្សៀត» ក៏បាន ពីព្រោះ ស ជា អវគ្គ អាចនៅក្រោម ង បាន, ដូចជា ពង្ស, អង្សា ជាដើមនោះដែរ។ ដូចគ្នាផងដែរចំពោះពាក្យ «បង់ម្សៀត» : ខូចបង់ម្សៀត។
«ម្សៀត» គឺប្រយោជន៍, សេចក្ដីកើតការ : មានម្សៀត។ ចោលម្សៀត មានន័យថា មិនកើតការ, មិនបានការ, ប្រើការមិនកើត : មនុស្សចោលម្សៀត, របស់ចោលម្រៀត។ ចោលម្សៀត! ជាពាក្យទ្រគោះ មានន័យថា មោឃៈ!។ មានម្សៀត មានន័យថា ដែលមានប្រយោជន៍, ដែលបានការ៕
© រក្សាសិទ្ធិដោយ thmeythmey.com