ក្រុមហ៊ុនផ្តល់សេវាពពក ខិនវើច ក្លោដ ប្រកាសបោះជំហានក្នុងប្រទេសកម្ពុជា ដែលស្ថិតក្នុងតំបន់អាស៊ីអាគ្នេយ៍ និងបានសម្ពោធបើកក្រុមហ៊ុនជាផ្លូវការ ដោយប្រទេសកម្ពុជាក្លាយជាគោលដៅទី ៦ បន្ទាប់ពីប្រទេសសិង្ហបុរី ចិន កោះតែវ៉ាន់ ក្រុងហុងកុង និងប្រទេសម៉ាឡេស៊ី ដែលក្រុមហ៊ុនមួយនេះបានបើកដំណើរការបម្រើសេវាកម្មពពក ។
លោក អ៊ូ មីងយ៉ង នាយកក្រុមហ៊ុន ខិនវើច ក្លោដ បានថ្លែងថា ៖ «ក្រុមហ៊ុនបានបង្កើតឡើង ក្នុងឆ្នាំ ២០២១ ជាពេលដែលព្រះរាជាណាចក្រកម្ពុជា និងពិភពលោកកំពុងតែជួបប្រទះនូវការផ្ទុះឡើងនៃជំងឺរាតត្បាតកូវីដ ១៩ ដែលជាវិបត្តិសកលមួយបានផ្លាស់ប្តូរទាំងស្រុងនូវលំនាំធ្វើការ និងរចនាសម្ព័ន្ធសេដ្ឋកិច្ចដូចជា ការធ្វើការពីចម្ងាយ ការផ្ទុកទិន្នន័យលើពពក សូម្បីតែទម្លាប់នៃការរស់នៅ ក៏ផ្លាស់ប្ដូរយ៉ាងខ្លាំងផងដែរ ។ តម្រូវការនៃការអប់រំតាមប្រព័ន្ធអ៉ិនធឺណិត សេវាដឹកជញ្ចូន ប្រព័ន្ធបញ្ចូនមាតិការ នៃការផ្សាយបន្តផ្ទាល់ សេដ្ឋកិច្ចហ្គេមកម្សាន្ត ជាដើមមានការកើនឡើងខ្លាំងគួរឱ្យកត់សម្គាល់» ។
លោក អ៊ូ មីងយ៉ង បន្តថា៖ «ប៉ុន្មានឆ្នាំមកនេះ ស្ទើរតែគ្រប់បញ្ហាទាំងអស់ក្នុងការរស់នៅប្រចាំថ្ងៃ អាចដោះស្រាយបានតាមរយៈប្រព័ន្ធអ៊ីនធឺណិត ការកើនឡើងយ៉ាងឆាប់រហ័ស នៃតម្រូវការសេវាកម្ម បានជំរុញនូវវឌ្ឍនភាពវិស័យសេវាកម្មផ្នែកបច្ចេកវិទ្យាពពក បើយោងតាមការស្រាវជ្រាវរបស់ ស្ថាប័នស្រាវជ្រាវទីផ្សា បានរកឃើញថារយៈពេល ៣ ឆ្នាំកន្លងមកនេះ សហគ្រាសជាច្រើនព្យាយាម ដោះស្រាយបញ្ហាកំពុងប្រឈម ដែលមិនធ្លាប់មានពីមុនមក ដូច្នេះពួកគាត់បានកំពុងខិតខំប្រឹងប្រែងពន្លឿននូវបដិវត្តកម្មឌីជីថលរបស់ខ្លួន»។
បើយោងតាមស្ថិតិទីផ្សារ បច្ចេកវិទ្យាពពករកបានប្រាក់ចំណូលកើន ឡើងលើសពី ៦១ ពាន់លានដុល្លារអាមេរិកក្នុងត្រីមាសទី ៤ ឆ្នាំ ២០២២ និងប្រាក់ចំណូលលើសពី ២១២ ពាន់លានដុល្លារ ក្នុងឆ្នាំ ២០២២ ទោះបីជាតួលេខនេះ មិនមានការកើនឡើងខ្លាំងដូចឆ្នាំមុនៗ វិស័យឧស្សាហកម្មផ្សេងៗទៀត ក៏នៅតែបន្តវិនិយោគនៅលើវិស័យបច្ចេកវិទ្យាពពកនេះ ដែរនិងពង្រីកនូវទីផ្សារពពក បើយោងទៅតាមរបាយការណ៍ហិរញ្ញវត្ថុរបស់ Google ក្នុងត្រីមាសទីបីឆ្នាំ ២០២៣ វិស័យបច្ចេកវិទ្យាពពកនៅតែមានការកើនឡើង 22.5% ដែលស្មើនឹង ៨.៤១ ពាន់លានដុល្លារអាមេរិក ខណៈដែលប្រាក់ចំណូលនៃ Microsoft ផ្នែកពពក បានកើនឡើងដល់ ២៤.៣ ពាន់លានដុល្លារអាមេរិក ដែលតួលេខ នេះបានលើសពីការរំពឹងទុករបស់ក្រុមអ្នកវិភាគ ។
លោក អ៊ូ មីងយ៉ង ក៏បានបន្ថែមទៀតថា៖ «វិស័យសេវាកម្មពពកចាប់ផ្តើមរីកដុះដាលអំឡុងឆ្នាំ ២០១០ ទោះបី ខិនវើច ក្លោដ បានបោះជំហានចូលក្នុងវិស័យនេះរៀងយឺតក៏ពិតមែន ប៉ុន្តែយើងជឿជាក់យ៉ាងមុតមាំងថា ដរាបណាយើងបន្តក ល្អគុណភាពសេវាកម្មរបស់ពួកយើងប្រកបដោយចីរភាព នោះពួកយើងនឹងអាចឈរនឹងជើងក្នុងបរិបទនៃបដិវត្តន៍ឌីជីថល ខិនវើច ក្លោដ មិនផ្តល់សេវាកម្មបពពកដែលមានលក្ខណៈនឹងថ្លឹងនោះទេ ពួកយើងព្យាយាមបើ ប្រាស់វិធីសាស្ត្រដែលប្រកបដោយមនុស្សធម៌ និងភាពរស់រវើកបំផុត ដើម្បីប្រាស្រ័យទាក់ទងជាមួយ» ។
អ្នកស្រី Fanny នាយកគ្រប់គ្រងទូទៅ Tencent Cloud បានមានប្រសាសន៍៖ «ក្រុមហ៊ុន ខិនវើច ធ្លោដ បានក្លាយជាដៃគូសហការផ្លូវការរបស់ Tencent Cloud កាលពីឆ្នាំមុន ក្នុងរយៈពេលដ៏ខ្លី ត្រឹមមួយឆ្នាំជាងប៉ុណ្ណោះ ក្រុមហ៊ុន ខិនវើច ធ្លោដ បានក្លាយជាភ្នាក់ងារបណ្តាញចែកចាយដែលមានសក្ដានុពល និងរីកចម្រើនក្នុងល្បឿនលឿនបំផុត។ មូលហេតុចម្បងនោះ គឺដោយសារលោកប្រធាន យ៉ាង មានភាពបកបែនខ្ពស់ចំពោះស្ថានភាពនៃការផ្លាស់ប្ដូរ នៅក្នុងទីផ្សារ ក្រុមហ៊ុន ខិនវើច ក្លោដ ផ្តល់នូវសេវាកម្មដ៏ល្អប្រសើរ»។
លោកស្រី បានបន្តថា៖ CoCloud បានចាប់ផ្តើមចេញពីប្រទេសតៃវ៉ាន់ ស្វាតស្វែងរកតម្រូវការពពកក្នុងស្រុក និងជួយសម្រួលសហ គ្រាសក្នុងការប្រើប្រាស់ពពក។ ឥឡូវនេះ CoCloud បានចាក់ឫសយ៉ាងជ្រៅទៅក្នុងប្រទេសកម្ពុជា ក្រុមការងារជំនាញរបស់ Tencent Cloud នឹងគាំទ្រយ៉ាងពេញទំហឹងដល់លោកប្រធាន យ៉ាង ក្នុងការផ្ដល់ជំនួយបច្ចេកទេសដ៏ល្អបំផុត និង ផលិតផល ក្នុងតម្លៃ ដែលប្រកបដោយភាពប្រកួតប្រជែង។
យោងតាមប្រសាសន៍ លោកស្រី សុមេធ សុមនា អនុរដ្ឋលេខាធិការ ក្រសួងពាណិជ្ជកម្ម ថ្លែងក្នុងកម្មវិធីបើកសម្ពោធរបស់នៃក្រុមហ៊ុន ខិនវើច ក្លោដ ឯ.ក (COVERGE CLOUD CO., LTD) បានឱ្យដឹងថា ៖ «ជាការពិតណាស់ ក្នុងពេលបច្ចុប្បន្ននេះ បច្ចេកវិទ្យាឌីជីថលបាននឹងកំពុងដើរតួនាទីជាស្នូល និងចលករនៅក្នុងគ្រប់ទិដ្ឋភាពនៃសកម្មភាពសេដ្ឋកិច្ច និងសង្គម ក្នុងរយៈពេលប៉ុន្មានឆ្នាំចុងក្រោយនេះ វិស័យឌីជីថលនៅកម្ពុជាមានការរីកចម្រើនយ៉ាងឆាប់រហ័សគួរឱ្យកត់សម្គាល់ បច្ចេកវិទ្យាពពក ក៏ជាផ្នែកមួយដ៏ សំខាន់ដែលស្ថិតនៅក្នុងវិស័យឌីជីថលផងដែរ ។ លើសពីនេះទៀត បច្ចេកវិទ្យាពពក ក៏ជាផ្នែកមួយនៃការ អភិវឌ្ឍហេដ្ឋារចនាសម្ព័ន្ធដែលគាំទ្រដល់បរិវត្តកម្មឌីជីថល ដែលស្ថិតក្រោមយុទ្ធសាស្ត្រអាទិភាពនៃគ្រឹះ និងសសរស្តម្ភ នៃការកសាងសេដ្ឋកិច្ច និងសង្គមឌីជីថលផងដែរ» ។
លោកស្រី សុមេធ សុមនា បានបន្តថា៖ «ការបើកដំណើរការក្រុមហ៊ុនផ្នែកបច្ចេកវិទ្យា ពពក (Cloud Technology) នេះ នៅក្នុងប្រទេសកម្ពុជា និងចូលរួមចំណែកក្នុងការជំរុញសន្ទុះកំណើន សេដ្ឋកិច្ចកម្ពុជា អភិវឌ្ឍធនធានមនុស្ស ផ្នែកបច្ចេកវិទ្យាឌីជីថល ស្របពេលជាមួយគ្នាផងដែរ ក៏នឹងជំរុញការ ប្រើប្រាស់បច្ចេកវិទ្យាពពកឱ្យកាន់តែទូលំទូលាយ និងចូលរួមចំណែកជួយពន្លឿនការធ្វើបរិវត្តកម្មឌីជីថលនៅ កម្ពុជាប្រកបដោយប្រសិទ្ធភាព ដោយមានអ្នកតំណាងភ្នាក់ងារខាងផលិតផលពពកម៉ាកធំៗ ដូចជា Google Cloud, Amazon Cloud, Huawei Cloud, Alibaba Cloud, Tencent Cloud, Baishan Cloud S Azure Cloud 9»៕
(អត្ថបទពាណិជ្ជកម្ម)