ផ្នែកផ្គត់ផ្គង់គ្រឿងចក្រធុនធ្ងន់នៃក្រុមហ៊ុន អ អិម អេ ខេមបូឌា ជាក្រុមហ៊ុនដ៏ធំជាងគេមួយនៅក្នុងប្រទេសកម្ពុជា ក៏នឹងបង្ហាញជាមួយគ្រឿងចក្រមួយប្រភេទគឺ បក្សីជេស៊ីប៊ី 3DX ដែលជាគ្រឿងចក្រលក់ដាច់ជាងគេនៅលើពិភពលោក ដែលជួយលោកអ្នកក្នុងការជីក លើកបន្ទុក ឈូស កៀរ ចាក់បំពេញ និងចាប់បន្ទុកពីការដ្ឋានមួយទៅការដ្ឋានមួយទៀតបានយ៉ាងងាយស្រួល ដែលជាធម្មតាយើងស្គាល់ថា SITE MASTER   ធ្វើការបាន ៦ មុខងារជាមួយនឹងប៉ែលតែមួយ។ SITE MASTER  ជាម៉ាស៊ីនដែលប្រើបច្ចេកវិទ្យាខ្ពស់ វៃឆ្លាត សន្សំសំចៃ ការថែទាំទាបបំផុត និងផ្ដល់ផាសុកភាពដល់អ្នកបើកបរ។ 
 

ក្រុមហ៊ុន អ អិម អេ ខេបូឌា ពិតជាមានមោទកភាពដែលបានចូលរួមសហកាជាមួយក្រសួងកសិកម្ម រុក្ខាប្រមាញ់ និងនេសាទ ហើយក្រុមហ៊ុននឹងបន្តកិច្ចសហការឲ្យកាន់តែប្រសើរតាំងពីពេលនេះទៅអនាគត។ ជាពិសេស ផ្នែកផ្គត់ផ្គង់គ្រឿងចក្រធុនធ្ងន់នៃក្រុមហ៊ុន អ អឹម អេ ខេមបូឌា អាចមានឱកាសកាន់តែច្រើនក្នុងគោលបំណងឲ្យក្លាយជាក្រុមហ៊ុនផ្គត់ផ្គង់ផលិតផលគ្រឿងចក្រធុនធ្ងន់ឈានមុខគេក្នុងទីផ្សារនៃប្រទេសកម្ពុជាជាមួយផលិតផលផ្សេងៗទៀតរបស់ក្រុមហ៊ុន អ អិម អេ។