ជាតិ
ពន្យល់ពាក្យ
ផាត់, សាច់ផាត់, ផាត់វាំងនន, ផាត់សំបក, ផាត់ម្សៅ, ផាត់ពពក, ផាត់ទាត់.. 19, Dec 2023 , 7:29 am
× «ផាត់» មានន័យច្រើន ជាពិសេសនៅពេលដែលយើងយកពាក្យនេះ ទៅផ្សំជាមួយពាក្យដទៃ ន័យរបស់វា កាន់តែខុសគ្នា។ សារព័ត៌មានឌីជីថលថ្មីៗ សូមលើកយកពាក្យ «ផាត់» និងពាក្យពាក់ព័ន្ធផ្សេងទៀត មកពន្យល់ ដោយដកស្រង់ពីវចនានុក្រមខ្មែរ២០២២របស់ក្រុមប្រឹក្សាជាតិភាសាខ្មែរ រួមទាំងវចនានុក្រមខ្មែរសម្តេចព្រះសង្ឃរាជ ជួន ណាត។
«ផាត់» [កិ.] រលីងត្រីងៀតឬសាច់ងៀតដែលបុកល្អិតជាមួយនឹងខ្លាញ់ជ្រូក ...។
«ផាត់» ១) ទាត់ច្រាន, វែកនឹងដៃឱ្យងាកឱ្យបែរចេញឬកៀសកៀរវាចនឹងដៃ : ផាត់វាំងនន, ផាត់អង្ករ។
២) លើកទុកដោយឡែកមិនរាប់បញ្ចូលផង : ផាត់សំបកចេញ, ផាត់ចេញមិនយកជាការ។
- ផាត់ចេញទៅក្រៅសំបក [កិ. (ព.ប្រ.)] លើកចោលលែងរាប់អាន, លែងយកជាការ។
- ផាត់ទាត់ [កិ.] បូកបោះទូទាត់ឱ្យឃើញដោយឡែក ឬឱ្យលែងមានទាក់ទិនតទៅទៀត។
«ផាត់» [កិ.] លាបឱ្យផូរផង់, ឱ្យហ្មត់ហ្មង, ឱ្យរលង់រលើប : ផាត់ម្សៅ, ផាត់ថ្នាំ។
«ផាត់» [កិ.] បក់បង្ហើរ ឬបក់បង្ហួស : ខ្យល់ផាត់ពពក, ខ្យល់ផាត់ទឹកភ្លៀង។
«ផាត់ចោល» [កិ.] លុបឬលើកចោល, ប្រកាសថាឥតបានការ : ផាត់ចោលបុគ្គលិក, ផាត់ចោលយុត្តាធិការព្រហ្មទណ្ឌបន្ថែម៕
© រក្សាសិទ្ធិដោយ thmeythmey.com