បញ្ហានេះអាចកើតឡើង ប្រសិនបើអ្នកគេងមិនបានគ្របគ្រាន់។ វេជ្ជបណ្ឌិតជាច្រើនបានណែនាំអោយអ្នកគេងមិនតិចជាង ៧ ទៅ ៨ ម៉ោងរាល់យប់។ ទោះជាយ៉ាងណា ស្នាមរវង្វង់ខ្មៅក្រោមភ្នែកអាចជាលទ្ធផលនៃអ្វីមួយមិនប្រក្រតីគួរអោយព្រួយបារម្ភ ដូចជា ជំងឺខ្វះគ្រាប់ឈាមក្រហម។ បញ្ហានេះកើតឡើងនៅពេលរាងកាយមិនអាចផលិតកោសិកាគ្រាប់ឈាមក្រហមដែលបណ្ដាលអោយស្បែកក្រោមភ្នែកប្រែជាខ្មៅ។

 

 

ប្រសិនបើអ្នកសម្គាល់ឃើញថា ម្រាមដៃផ្លាស់ប្ដូរពណ៌ជាញឹកញយ នោះវាអាចជារោគសញ្ញាមួយនៃជំងឺ Reynaud’s Syndrome។

 

 

ប្រសិនបើភ្នែករបស់អ្នកឆាប់នឿយហត់ និងឧស្សាហ៍ព្រិលភ្នែក ឬចាប់ផ្ដើមមើលឃើញអ្វីលែងសូវច្បាស់ បើទោះជាស្ថិតក្នុងចម្ងាយធម្មតាសោះ នោះអ្នកកំពុងប្រឈមមុខជាមួយហានិភ័យនៃបញ្ហាភ្នែកហើយ។ ដូច្នេះមុននឹងយឺតពេល អ្នកគួរប្រញាប់ទៅជួបពិនិត្យជាមួយគ្រូពេទ្យ ឬអ្នកឯកទេសខាងបញ្ហាភ្នែក។

 

 

សម្លេង ឬសូរលាន់លឺក្នុងពោះ គឺអាចបណ្ដាលមកពីដំណើរការមុខងារនៃពោះវៀន។ ប្រសិនបើបញ្ហានេះកើតឡើងយូរៗម្ដង នោះវាគ្មានអ្វីគួរអោយព្រួយបារម្ភឡើយ។ ប៉ុន្តែប្រសិនបើពោះរបស់អ្នកបង្កើតសម្លេង ឬសូរណាមួយជាប្រចាំ ហើយមានអមមកជាមួយនូវការឈឺចាប់ទៀត នោះអ្នកគួរប្រញាប់ទៅជួបគ្រូពេទ្យភ្លាម។

 

 

ការរបកស្បែក គឺអាចជាការចង្អុលបង្ហាញមួយពាក់ព័ន្ធនឹងកង្វះវីតាមីនក្នុងរាងកាយ។ របបអាហារមានតុល្យភាពអាចកែប្រែស្ថានភាពនៃស្បែកអោយប្រក្រតីវិញបានយ៉ាងលឿន។ ប៉ុន្តែប្រសិនបើការរបក

អមមកជាមួយនូវការរមាស់ នោះអ្នកមិនគួរស្ទាក់ស្ទើនឹងទៅជួបពិនិត្យជាមួយគ្រូពេទ្យជំនាញឡើយ។ បញ្ហានេះអាចបណ្ដាលមកការឆ្លងមេរោគផ្សិត។

 

 

ជាធម្មតាចំពោះមនុស្សចាស់ បញ្ហានេះអាចបណ្ដាលមកពីការខូចខាតនៃប្រព័ន្ធសសៃប្រសាទ។ ប៉ុន្តែប្រសិនបើអ្នកនៅវ័យក្មេងសោះ ក៏ជួបប្រទះនឹងបញ្ហាបាត់បង់សមត្ថភាពនៃការដឹងក្លិនដែរនោះ អ្នកគួរប្រញាប់ទៅជួបពិនិត្យជាមួយគ្រូពេទ្យភ្លាម។ បញ្ហានេះអាចជាលទ្ធផលនៃរោគឆ្លងណាមួយ ឬផ្ដាសាយធំ។

 

 

អាការៈហឹងត្រចៀក គឺជាអារម្មណ៍នៃការលឺសំលេងរំខានក្នុងត្រចៀក។ មនុស្សភាគច្រើនព្យាយាមមិនចាប់អារម្មណ៍ ឬយកចិត្តទុកដាក់ខ្វាយខ្វល់ចំពោះបញ្ហានេះឡើយ ដោយជឿជាក់ថាវាមិនអាចជះឥទ្ធិពលគម្រាមកំហែងអ្វីដល់សុខភាព។ ប៉ុន្តែទោះជាយ៉ាងណា អាការៈហឹងត្រចៀកដែលកើតមានជាប្រចាំមិនបាត់សោះ គឺអាចបណ្ដាលមកពីជំងឺណាមួយហើយ។

 

ត្រួតពិនិត្យដោយ៖ www.health.com.kh