ជាតិ
ឆ្នាំ២០២៣៖ អ្នកសារព័ត៌មានថ្មីៗ បានចេញបេសកកម្មទៅអាម៉េរិក ចិន បារាំង កាតា និងអាស៊ីអាគ្នេយ៍
29, Dec 2023 , 2:30 pm
×![]()
ដោយ: សារព័ត៌មានថ្មីៗ
២០២៣ ជាឆ្នាំដែលសារព័ត៌មានឌីជីថលថ្មីៗ មានសកម្មភាពផុសផុលឡើងវិញសម្រាប់បេសកកម្មនៅក្រៅប្រទេស បន្ទាប់ពីរយៈពេលជាង៣ឆ្នាំនៃការរាតត្បាតកូវីដ-១៩។ ពេញមួយឆ្នាំកន្លងមកនេះ ថ្នាក់ដឹកនាំ និងក្រុមការងារសារព័ត៌មានឌីជីថលថ្មីៗ (ThmeyThmey, ThmeyThmey25 និង Cambodianess) ១៥រូប បានទៅកាន់ប្រទេសគោលដៅនានា រួមមានថៃ បារាំង ឥណ្ឌូណេស៊ី សហរដ្ឋអាម៉េរិក ហ្វីលីពីន ចិន វៀតណាម និងកាតា សម្រាប់ដំណើរទស្សនកិច្ចសិក្សា ទស្សនាចរណ៍ ការចែករំលែកបទពិសោធន៍ ការឈ្វេងយល់ពីសក្តានុពលទេសចរណ៍ សេដ្ឋកិច្ច កសិកម្ម សិក្ខាសាលា វគ្គបណ្តុះបណ្តាលផ្នែកសារព័ត៌មាន និងការចុះយកព័ត៌មានឆ្លងប្រទេស។
លោក លាង ដឺលុច ចាងហ្វាងការផ្សាយសារព័ត៌មានឌីជីថលថ្មីៗ រួមដំណើរជាមួយប្រតិភូក្លិបអ្នកកាសែតកម្ពុជា បានចូលរួមក្នុងកម្មវិធី Cambodian Media’s Visit to Thailand: a Focus on Media’s Self-Regulation ពីថ្ងៃទី៣១ ខែមីនា ដល់ថ្ងៃទី៤ ខែមេសា។ ក្រោមការសម្របសម្រួលរបស់ស្ថានទូតថៃប្រចាំកម្ពុជា ប្រតិភូសារព័ត៌មានកម្ពុជា បានសិក្សាឈ្វេងយល់ពីដំណើរការនៃការបង្កើតក្រុមប្រឹក្សាក្រមសីលធម៌សារព័ត៌មាន ពីក្រុមប្រឹក្សាសារព័ត៌មានជាតិថៃ (National Press Council of Thailand), ដំណើរទស្សនកិច្ចទៅកាន់ការិយាល័យបណ្តាញផ្សព្វផ្សាយរដ្ឋថៃ Thai PBS នៅក្រុងបាងកក, សមាគមសារព័ត៌មានប្រចាំខេត្ត Phetchburi និងតំបន់សមុទ្រហួហ៊ីន ខេត្ត Prachuap Khiri Khan។
លោក អុឹង ចំរើន នាយកប្រតិបត្តិសារព័ត៌មានឌីជីថលថ្មីៗ បានទៅចូលរួមកិច្ចវេទិកា Media and Development Forum ឆ្នាំ២០២៣ ដែលរៀបចំដោយទីភ្នាក់ងារ Canal France International (CFI) នៅក្រុងប៉ារីស ប្រទេសបារាំង កាលពីថ្ងៃទី១១ ដល់ទី១៣ ខែកក្កដា ឆ្នាំ២០២៣។ ក្នុងវេទិកា ដែលមានសកម្មជនសារព័ត៌មាន និងអ្នកសារព័ត៌មានជាង៣០០នាក់ពី៤៥ប្រទេស លោក អុឹង ចំរើន ក៏បានចូលរួមធ្វើជាវាគ្មិនលើប្រធានបទ «តួនាទីពលរដ្ឋរស់នៅក្រៅប្រទេសសម្រាប់ជាតិកំណើតរបស់ខ្លួន» ផងដែរ។
លោក សៅ ផលនិស្ស័យ និពន្ធនាយក Cambodianess ដែលកំពុងបន្តការសិក្សានៅប្រទេសអូស្ត្រាលី ត្រូវបានអញ្ជើញចូលរួមយកព័ត៌មានក្នុងកិច្ចប្រជុំកំពូលអង្គការសហប្រជាជាតិស្តីពីប្រទេសអភិវឌ្ឍន៍តិចតួចលើកទី៥ (LDC) នាក្រុងដូហា ប្រទេសកាតា ពីថ្ងៃទី៥ ដល់ថ្ងៃទី៩ ខែមីនា។ បេសកកម្មការងាររបស់និស្ស័យ ទទួលបានការគាំទ្រ ក្រោមភាពជាដៃគូរវាងការិយាល័យតំណាងជាន់ខ្ពស់នៃអង្គការសហប្រជាជាតិទទួលបន្ទុកប្រទេសអភិវឌ្ឍន៍តិចតួច ប្រទេសមិនជាប់សមុទ្រ និងប្រទេសកោះកំពុងអភិវឌ្ឍន៍ (UN-OHRLLS) ជាមួយមូលនិធិ Thomson Reuters។
កញ្ញា ខន ចំប៉ា និពន្ធនាយិការងសារព័ត៌មានឌីជីថលថ្មីៗ បានទៅចូលរួមក្នុងកម្មវិធី «អ្នកសារព័ត៌មានកម្ពុជា មើលខេត្តក្វាងស៊ី» ពីថ្ងៃទី១៥ ដល់ទី២០ ខែមិថុនា។ កម្មវិធីនេះ រៀបចំដោយកាសែត The Commercial News និង Cambodia Guangxi Cloud ASEAN International Communication Station ដែលជាអង្គភាពចំណុះ Guangxi Daily។ រយៈពេល៥ថ្ងៃ ចំប៉ា បានស្វែងយល់ពីយុទ្ធសាស្ត្ររបស់រដ្ឋាភិបាលចិន ក្នុងការកាត់បន្ថយភាពក្រីក្រ និងលើកកម្ពស់ជីវភាពរស់នៅរបស់ពលរដ្ឋ រួមទាំងដំណើរទស្សនកិច្ចទៅកាន់តំបន់ឧស្សាហកម្ម ផលិតកម្ម និងទេសចរណ៍ជាច្រើននៅខេត្តក្វាងស៊ី។
តាមការអញ្ជើញរបស់កាសែត The People’s Daily លោក រំដួល ចិត្រា និពន្ធនាយកសារព័ត៌មានឌីជីថលថ្មីៗ និងកញ្ញា អ៊ូ សុខមាន ការីនិពន្ធព័ត៌មានសេដ្ឋកិច្ច បានទៅចូលរួមកិច្ចប្រជុំកំពូលនៃកិច្ចសហប្រតិបត្តិការផ្សព្វផ្សាយតំបន់ឡានឆាង-មេគង្គ ឆ្នាំ២០២៣។ កិច្ចប្រជុំនេះ រៀបចំនៅក្រុងប៉េកាំង ពីថ្ងៃទី២៥ ខែមិថុនា ដល់ថ្ងៃទី៣០ ខែមិថុនា ដែលធ្វើឡើងក្រោមប្រធានបទ «ការជំរុញ និងការស្តារសេដ្ឋកិច្ចក្នុងតំបន់ ដើម្បីបានផលប្រយោជន៍ទៅវិញទៅមក និងការលើកកម្ពស់ការផ្លាស់ប្តូរព័ត៌មានសម្រាប់ការផ្សារភ្ជាប់ប្រជាជន និងប្រជាជន ក្នុងតំបន់ឡានឆាង-មេគង្គ»។
ដោយឡែកកញ្ញា អ៊ូ សុខមាន បន្ទាប់ពីចូលរួមក្នុងកិច្ចប្រជុំកំពូលនេះ កញ្ញាបន្តចូលរួមក្នុងសិក្ខាសាលានៃប្រព័ន្ធផ្សព្វផ្សាយមេគង្គ-ឡានឆាង (CLMV 2023) រហូតដល់ថ្ងៃទី៥ ខែកក្កដា ដោយបានចុះទៅយកព័ត៌មាន និងសិក្សាស្វែងយល់ពីតំបន់សក្តានុពលនានានៅក្រុងប៉េកាំង ខេត្តក្វាងទុង និងខេត្តយូណាន។
មុនចេញទៅកាន់ប្រទេសចិន កញ្ញា សុខមាន បានទៅចូលរួមក្នុងកម្មវិធី «32nd SEA Games Inspiration Awards» នៅក្រុងហូជីមិញ ប្រទេសវៀតណាម ពីថ្ងៃទី១៧ ដល់ថ្ងៃទី១៩ ខែមិថុនា។ កម្មវិធីដែលរៀបចំដោយកាសែត Tuoi Tre នេះ ជាការលើកទឹកចិត្តដល់អត្តពលិក៣រូបដែលបង្ហាញភាពលេចធ្លោក្នុងព្រឹត្តិការណ៍កីឡាស៊ីហ្គេមលើកទី៣២នៅកម្ពុជា ក្នុងនោះមានកីឡាការិនីរត់ចម្ងាយកម្ពុជា បូ សំណាង, កីឡាការិនីរត់ចម្ងាយឆ្ងាយរបស់វៀតណាម Nguyen Thi Oanh ម្ចាស់មេដាយមាសចំនួន៤ ពីស៊ីហ្គេមឆ្នាំ២០២៣ និងកីឡាការិនីវាយកូនឃ្លីលើតុ Tran Mai Ngoc។
អ្នកស្រី ញឹក ស្រីល័ក្ខ និពន្ធនាយិកា ThmeyThmey25 បានទៅចូលរួមយកព័ត៌មានក្នុងវេទិកាស្តីពីឥទ្ធិពលរបស់បណ្តាញសង្គម TikTok ក្នុងតំបន់អាស៊ីអាគ្នេយ៍ (Southeast Asia Impact Forum 2023) នៅក្រុងហ្សាការតា ប្រទេសឥណ្ឌូណេស៊ី ពីថ្ងៃទី១៤ ដល់ថ្ងៃទី១៦ ខែមិថុនា។ ក្នុងវេទិកានេះ ស្រីល័ក្ខបានជួបអ្នកជំនាញខាងមាតិកា TikTok ជាច្រើនរូបប្រចាំតំបន់ ហើយក៏បានចូលរួមស្តាប់បទបង្ហាញដោយផ្ទាល់របស់លោក Shou Zi Chew នាយកប្រតិបត្តិបណ្តាញសង្គមដ៏កំពុងលេចធ្លោមួយនេះផងដែរ។
លោក តន ចាន់រិទ្ធារ៉ា និពន្ធនាយករង Cambodianess បានចេញទៅឥណ្ឌូណេស៊ីចំនួនពីរលើក ដោយលើកទី១ លោកចូលរួមយកព័ត៌មានជាមួយលោក គី ចំណា អំពីសន្និសីទស្តីពីការអភិវឌ្ឍន៍អាស៊ីអាគ្នេយ៍ឆ្នាំ២០២៣ (SEAD2023) នាកោះបាលីពីថ្ងៃទី២៨ ដល់ថ្ងៃទី៣១ ខែមីនា។ តាមការអញ្ជើញរបស់អគ្គលេខាធិការដ្ឋានអាស៊ាន លោក តន ចាន់រិទ្ធារ៉ា បានទៅចូលរួមវេទិកាប្រព័ន្ធផ្សព្វផ្សាយអាស៊ាន (ASEAN Media Forum) នាក្រុងហ្សារកាតា ពីថ្ងៃទី៣០ ខែតុលា ដល់ថ្ងៃទី១ ខែវិច្ឆិកា។
លោក សែម វណ្ណា និពន្ធនាយករង ThmeyThmey25 និងកញ្ញា តេង យ៉ាលីរូហ្សី អ្នកសារព័ត៌មាន Cambodianess បានចេញទៅបំពេញបេសកកម្មការងារផលិតព័ត៌មានក្រោមប្រធានបទ «កិច្ចសហប្រតិបត្តិការផ្នែកវប្បធម៌រវាងសហរដ្ឋអាម៉េរិក និងកម្ពុជា»។ សហការីទាំងពីរ បានធ្វើការងារយ៉ាងមមាញឹកដូចជាថតវីដេអូ ផលិតព័ត៌មានវីដេអូ សម្ភាសអ្នកជំនាញផ្សេងៗ នៅរដ្ឋធានីវ៉ាស៊ីនតោន រដ្ឋ Pennysylvania និងញូវយ៉ក ចន្លោះពីថ្ងៃទី២៨ខែវិច្ចិកា ដល់ថ្ងៃទី៩ ខែធ្នូ។ បេសកកម្មនេះ ទទួលបានការគាំទ្រពីស្ថានទូតសហរដ្ឋអាម៉េរិកប្រចាំកម្ពុជា និងក្រសួងការបរទេសអាម៉េរិក។
កញ្ញា ម៉េង សៀវម៉ី បានចេញទៅក្រៅប្រទេសបីលើក។ តាមការអញ្ជើញរបស់អង្គការ UNAIDS Cambodia កញ្ញាបានចូលរួម និងផលិតព័ត៌មានអំពីសិក្ខាសាលាស្តីពីការររើសអើងអ្នករស់នៅជាមួយមេរោគអេដស៍នៅក្រុងបាងកក ប្រទេសថៃ ពីថ្ងៃទី៦ ដល់ថ្ងៃទី៨ ខែមិថុនា។ នៅក្រុងបាងកកដដែល អ្នកយកព័ត៌មាន Cambodianess រូបនេះ បានទៅចូលរួមវគ្គបណ្តុះបណ្តាលអំពីការរាយការណ៍ព័ត៌មានពីគ្រោះធម្មជាតិ ដោយកញ្ញា រួមទាំងសហការីពីររូបទៀត គឺកញ្ញា តេង យ៉ាលីរ៉ូហ្ស៊ី និងកញ្ញា ហុង ស្រីណា ត្រូវបានជ្រើសរើសដោយធនាគារអភិវឌ្ឍន៍អាស៊ី (ADB) និងមូលនិធិ Thomson Reuters Foundation ពីថ្ងៃទី១៨ ដល់ថ្ងៃទី២០ ខែកក្កដា។ សម្រាប់កម្មវិធីទីបី កញ្ញា សៀវម៉ី ត្រូវមូលនិធិ Probe Media Foundation ជ្រើសរើសសម្រាប់វគ្គបណ្តុះបណ្តាល ស្តីពីអ្នកសារព័ត៌មានអំពីជំងឺមិនឆ្លង (Noncommucable Diseases) នាក្រុង Quezon ប្រទេសហ្វីលីពីន ពីថ្ងៃទី១៤ ដល់ថ្ងៃទី១៥ ខែធ្នូ។
លោក ជា យូគៀង អ្នកកាសែតកីឡានៃសារព័ត៌មានឌីជីថលថ្មីៗ បានយកព័ត៌មានអំពីការប្រកួតពានរង្វាន់កីឡាអេឡិចត្រូនិក M5 World Championship 2023 នៅ Rizal Memorial Colliseum ក្រុង Quezon និងក្រុងម៉ានីល ប្រទេសហ្វីលីពីន ពីថ្ងៃទី១២ ដល់ថ្ងៃទី១៩ ខែធ្នូ។ ក្នុងព្រឹត្តិការណ៍ដែលទទួលបានការអញ្ជើញពីក្រុមហ៊ុន Moonton Philippines Technology.Inc និង Moonton PR នេះ លោក យូគៀង ក៏បានចូលរួមកិច្ចប្រជុំ M-Summit ដើម្បីស្វែងយល់ពីការអភិវឌ្ឍន៍វិស័យកីឡាអេឡិចត្រូនិក Mobile Legends ផងដែរ។
លោក គី ចំណា អ្នកសារព័ត៌មាន Cambodianess បានទៅចូលរួមកម្មវិធីចំនួន៣។ តាមការអញ្ជើញមជ្ឈមណ្ឌល Pulitzer ចំណា ធ្វើជាសិក្ខាកាមក្នុងវគ្គបណ្តុះបណ្តាលអំពីការយកព័ត៌មានស៊ើបអង្កេតតាមតំបន់ធម្មជាតិ ដែលរៀបចំដោយមូលនិធិអ្នកសារព័ត៌មានព្រៃទឹកភ្លៀង (Rainforest Journalism Fund) នៅក្រុងបាងកក ពីថ្ងៃទី២៣ ដល់ថ្ងៃទី២៤ ខែកុម្ភៈ។
ពីថ្ងៃទី២៨ ដល់ថ្ងៃទី៣១ ខែមីនា ចំណា ទៅចូលរួមកិច្ចប្រជុំអំពីវិស័យហិរញ្ញវត្ថុក្នុងការអភិវឌ្ឍថាមពលបៃតង (Symposium SEADS 2023) តាមការអញ្ជើញរបស់ធនាគារអភិវឌ្ឍន៍អាស៊ី ADB ដែលប្រព្រឹត្រទៅនៅកោះបាលី ប្រទេសឥណ្ឌូណេស៊ី។ ក្នុងប្រទេសឥណ្ឌូណេស៊ីដដែល ប៉ុន្តែស្ថិតនៅខេត្តស៊ូម៉ាត្រាខាងលិច ចំណា បានចុះយកព័ត៌មានផ្សព្វផ្សាយអំពីកន្លែងកម្សាន្តបែបធម្មជាតិ ប្រវត្តិសាស្ត្រ និងវប្បធម៌។ ដំណើរទស្សនាចរណ៍នេះ ទទួលបានការអញ្ជើញពីស្ថានទូតឥណ្ឌូណេស៊ីប្រចាំកម្ពុជា ពីថ្ងៃទី៧ ដល់ទី១៥ ខែវិច្ឆិកា។
កញ្ញា ឡាយ សុភាវតី អ្នកសារព័ត៌មានថ្មីៗ បានទៅចូលរួមវេទិកា Asia Media Forum: Let’s Talk Equality ដែលប្រព្រឹត្តទៅនៅក្រុងបាងកក ប្រទេសថៃ ពីថ្ងៃទី១១ ដល់ទី១២ ខែធ្នូ។ វេទិកានេះរៀបចំដោយមជ្ឈមណ្ឌល Asia Centre និង Oxfam in Asia ដែលបានផ្តល់រង្វាន់លេខ៣ ដល់វតី និងសហការី២រូបទៀតរបស់សារព័ត៌មានឌីជីថលថ្មីៗ ក្នុងការប្រកួតប្រជែងអត្ថបទរាយការណ៍ស្ដីពី «ភាពអស់សង្ឃឹមរបស់កម្មកររោងចក្រ នាអំឡុងពេលបិទខ្ទប់» កាលពីឆ្នាំ២០២២។
កញ្ញា តេង យ៉ាលីរ៉ហ្ស៊ី បានរួមដំណើរជាមួយកញ្ញា ម៉េង សៀវម៉ី និងកញ្ញា ហុងស្រីណា ទៅចូលរួមវគ្គបណ្តុះបណ្តាលអំពីការរាយការណ៍ពីគ្រោះធម្មជាតិ (Reporting on Crisis and Disasters) នៅក្រុងបាងកក ប្រទេសថៃ និងរួមដំណើរទៅសហរដ្ឋអាម៉េរិក ជាមួយលោក សែម វណ្ណា សម្រាប់ការផលិតព័ត៌មានអំពីកិច្ចសហប្រតិបត្តិការផ្នែកវប្បធម៌កម្ពុជា និងអាម៉េរិក (Cambodia Media Co-Op on Using Soft Cultural Power to Counter PRC, Influence: A Look at U.S.-Cambodia Cultural Cooperation)។
បន្ថែមពីលើនេះ កញ្ញា រ៉ូហ្ស៊ី បានទៅចូលរួមសិក្ខាសាលស្តីពីការគ្រប់គ្រងធនធានធម្មជាតិនៅតំបន់ទន្លេមេគង្គ (Our Mekong, Our Say Media Workshop on Natural Resource Governance)។ ត្រូវបានជ្រើសរើសដោយ Internews’s Earth Journalism Network សិក្ខាសាលានៅខេត្តឈៀងម៉ៃ ប្រទេសថៃ ពីថ្ងៃទី៥ ដល់ទី៧ ខែកក្កដា នាំឱ្យអ្នកសារព័ត៌មាន Cambodianess រូបនេះ និងសិក្ខាកាមផ្សេងទៀត បានសិក្សាស្វែងយល់អំពីការរាយការណ៍បញ្ហាប្រឈមនានានៅតំបន់ទន្លេមេគង្គ ដូចជាទំនាស់ពាក់ព័ន្ធនឹងធនធានធម្មជាតិ និងបញ្ហាឆ្លងតំបន់៕
លោក លាង ដឺលុច ចាងហ្វាងការផ្សាយសារព័ត៌មានឌីជីថលថ្មីៗ រួមដំណើរជាមួយប្រតិភូក្លិបអ្នកកាសែតកម្ពុជា បានចូលរួមក្នុងកម្មវិធី Cambodian Media’s Visit to Thailand: a Focus on Media’s Self-Regulation ពីថ្ងៃទី៣១ ខែមីនា ដល់ថ្ងៃទី៤ ខែមេសា។ ក្រោមការសម្របសម្រួលរបស់ស្ថានទូតថៃប្រចាំកម្ពុជា ប្រតិភូសារព័ត៌មានកម្ពុជា បានសិក្សាឈ្វេងយល់ពីដំណើរការនៃការបង្កើតក្រុមប្រឹក្សាក្រមសីលធម៌សារព័ត៌មាន ពីក្រុមប្រឹក្សាសារព័ត៌មានជាតិថៃ (National Press Council of Thailand), ដំណើរទស្សនកិច្ចទៅកាន់ការិយាល័យបណ្តាញផ្សព្វផ្សាយរដ្ឋថៃ Thai PBS នៅក្រុងបាងកក, សមាគមសារព័ត៌មានប្រចាំខេត្ត Phetchburi និងតំបន់សមុទ្រហួហ៊ីន ខេត្ត Prachuap Khiri Khan។
លោក អុឹង ចំរើន នាយកប្រតិបត្តិសារព័ត៌មានឌីជីថលថ្មីៗ បានទៅចូលរួមកិច្ចវេទិកា Media and Development Forum ឆ្នាំ២០២៣ ដែលរៀបចំដោយទីភ្នាក់ងារ Canal France International (CFI) នៅក្រុងប៉ារីស ប្រទេសបារាំង កាលពីថ្ងៃទី១១ ដល់ទី១៣ ខែកក្កដា ឆ្នាំ២០២៣។ ក្នុងវេទិកា ដែលមានសកម្មជនសារព័ត៌មាន និងអ្នកសារព័ត៌មានជាង៣០០នាក់ពី៤៥ប្រទេស លោក អុឹង ចំរើន ក៏បានចូលរួមធ្វើជាវាគ្មិនលើប្រធានបទ «តួនាទីពលរដ្ឋរស់នៅក្រៅប្រទេសសម្រាប់ជាតិកំណើតរបស់ខ្លួន» ផងដែរ។
លោក សៅ ផលនិស្ស័យ និពន្ធនាយក Cambodianess ដែលកំពុងបន្តការសិក្សានៅប្រទេសអូស្ត្រាលី ត្រូវបានអញ្ជើញចូលរួមយកព័ត៌មានក្នុងកិច្ចប្រជុំកំពូលអង្គការសហប្រជាជាតិស្តីពីប្រទេសអភិវឌ្ឍន៍តិចតួចលើកទី៥ (LDC) នាក្រុងដូហា ប្រទេសកាតា ពីថ្ងៃទី៥ ដល់ថ្ងៃទី៩ ខែមីនា។ បេសកកម្មការងាររបស់និស្ស័យ ទទួលបានការគាំទ្រ ក្រោមភាពជាដៃគូរវាងការិយាល័យតំណាងជាន់ខ្ពស់នៃអង្គការសហប្រជាជាតិទទួលបន្ទុកប្រទេសអភិវឌ្ឍន៍តិចតួច ប្រទេសមិនជាប់សមុទ្រ និងប្រទេសកោះកំពុងអភិវឌ្ឍន៍ (UN-OHRLLS) ជាមួយមូលនិធិ Thomson Reuters។
កញ្ញា ខន ចំប៉ា និពន្ធនាយិការងសារព័ត៌មានឌីជីថលថ្មីៗ បានទៅចូលរួមក្នុងកម្មវិធី «អ្នកសារព័ត៌មានកម្ពុជា មើលខេត្តក្វាងស៊ី» ពីថ្ងៃទី១៥ ដល់ទី២០ ខែមិថុនា។ កម្មវិធីនេះ រៀបចំដោយកាសែត The Commercial News និង Cambodia Guangxi Cloud ASEAN International Communication Station ដែលជាអង្គភាពចំណុះ Guangxi Daily។ រយៈពេល៥ថ្ងៃ ចំប៉ា បានស្វែងយល់ពីយុទ្ធសាស្ត្ររបស់រដ្ឋាភិបាលចិន ក្នុងការកាត់បន្ថយភាពក្រីក្រ និងលើកកម្ពស់ជីវភាពរស់នៅរបស់ពលរដ្ឋ រួមទាំងដំណើរទស្សនកិច្ចទៅកាន់តំបន់ឧស្សាហកម្ម ផលិតកម្ម និងទេសចរណ៍ជាច្រើននៅខេត្តក្វាងស៊ី។
តាមការអញ្ជើញរបស់កាសែត The People’s Daily លោក រំដួល ចិត្រា និពន្ធនាយកសារព័ត៌មានឌីជីថលថ្មីៗ និងកញ្ញា អ៊ូ សុខមាន ការីនិពន្ធព័ត៌មានសេដ្ឋកិច្ច បានទៅចូលរួមកិច្ចប្រជុំកំពូលនៃកិច្ចសហប្រតិបត្តិការផ្សព្វផ្សាយតំបន់ឡានឆាង-មេគង្គ ឆ្នាំ២០២៣។ កិច្ចប្រជុំនេះ រៀបចំនៅក្រុងប៉េកាំង ពីថ្ងៃទី២៥ ខែមិថុនា ដល់ថ្ងៃទី៣០ ខែមិថុនា ដែលធ្វើឡើងក្រោមប្រធានបទ «ការជំរុញ និងការស្តារសេដ្ឋកិច្ចក្នុងតំបន់ ដើម្បីបានផលប្រយោជន៍ទៅវិញទៅមក និងការលើកកម្ពស់ការផ្លាស់ប្តូរព័ត៌មានសម្រាប់ការផ្សារភ្ជាប់ប្រជាជន និងប្រជាជន ក្នុងតំបន់ឡានឆាង-មេគង្គ»។
ដោយឡែកកញ្ញា អ៊ូ សុខមាន បន្ទាប់ពីចូលរួមក្នុងកិច្ចប្រជុំកំពូលនេះ កញ្ញាបន្តចូលរួមក្នុងសិក្ខាសាលានៃប្រព័ន្ធផ្សព្វផ្សាយមេគង្គ-ឡានឆាង (CLMV 2023) រហូតដល់ថ្ងៃទី៥ ខែកក្កដា ដោយបានចុះទៅយកព័ត៌មាន និងសិក្សាស្វែងយល់ពីតំបន់សក្តានុពលនានានៅក្រុងប៉េកាំង ខេត្តក្វាងទុង និងខេត្តយូណាន។
មុនចេញទៅកាន់ប្រទេសចិន កញ្ញា សុខមាន បានទៅចូលរួមក្នុងកម្មវិធី «32nd SEA Games Inspiration Awards» នៅក្រុងហូជីមិញ ប្រទេសវៀតណាម ពីថ្ងៃទី១៧ ដល់ថ្ងៃទី១៩ ខែមិថុនា។ កម្មវិធីដែលរៀបចំដោយកាសែត Tuoi Tre នេះ ជាការលើកទឹកចិត្តដល់អត្តពលិក៣រូបដែលបង្ហាញភាពលេចធ្លោក្នុងព្រឹត្តិការណ៍កីឡាស៊ីហ្គេមលើកទី៣២នៅកម្ពុជា ក្នុងនោះមានកីឡាការិនីរត់ចម្ងាយកម្ពុជា បូ សំណាង, កីឡាការិនីរត់ចម្ងាយឆ្ងាយរបស់វៀតណាម Nguyen Thi Oanh ម្ចាស់មេដាយមាសចំនួន៤ ពីស៊ីហ្គេមឆ្នាំ២០២៣ និងកីឡាការិនីវាយកូនឃ្លីលើតុ Tran Mai Ngoc។
អ្នកស្រី ញឹក ស្រីល័ក្ខ និពន្ធនាយិកា ThmeyThmey25 បានទៅចូលរួមយកព័ត៌មានក្នុងវេទិកាស្តីពីឥទ្ធិពលរបស់បណ្តាញសង្គម TikTok ក្នុងតំបន់អាស៊ីអាគ្នេយ៍ (Southeast Asia Impact Forum 2023) នៅក្រុងហ្សាការតា ប្រទេសឥណ្ឌូណេស៊ី ពីថ្ងៃទី១៤ ដល់ថ្ងៃទី១៦ ខែមិថុនា។ ក្នុងវេទិកានេះ ស្រីល័ក្ខបានជួបអ្នកជំនាញខាងមាតិកា TikTok ជាច្រើនរូបប្រចាំតំបន់ ហើយក៏បានចូលរួមស្តាប់បទបង្ហាញដោយផ្ទាល់របស់លោក Shou Zi Chew នាយកប្រតិបត្តិបណ្តាញសង្គមដ៏កំពុងលេចធ្លោមួយនេះផងដែរ។
លោក តន ចាន់រិទ្ធារ៉ា និពន្ធនាយករង Cambodianess បានចេញទៅឥណ្ឌូណេស៊ីចំនួនពីរលើក ដោយលើកទី១ លោកចូលរួមយកព័ត៌មានជាមួយលោក គី ចំណា អំពីសន្និសីទស្តីពីការអភិវឌ្ឍន៍អាស៊ីអាគ្នេយ៍ឆ្នាំ២០២៣ (SEAD2023) នាកោះបាលីពីថ្ងៃទី២៨ ដល់ថ្ងៃទី៣១ ខែមីនា។ តាមការអញ្ជើញរបស់អគ្គលេខាធិការដ្ឋានអាស៊ាន លោក តន ចាន់រិទ្ធារ៉ា បានទៅចូលរួមវេទិកាប្រព័ន្ធផ្សព្វផ្សាយអាស៊ាន (ASEAN Media Forum) នាក្រុងហ្សារកាតា ពីថ្ងៃទី៣០ ខែតុលា ដល់ថ្ងៃទី១ ខែវិច្ឆិកា។
លោក សែម វណ្ណា និពន្ធនាយករង ThmeyThmey25 និងកញ្ញា តេង យ៉ាលីរូហ្សី អ្នកសារព័ត៌មាន Cambodianess បានចេញទៅបំពេញបេសកកម្មការងារផលិតព័ត៌មានក្រោមប្រធានបទ «កិច្ចសហប្រតិបត្តិការផ្នែកវប្បធម៌រវាងសហរដ្ឋអាម៉េរិក និងកម្ពុជា»។ សហការីទាំងពីរ បានធ្វើការងារយ៉ាងមមាញឹកដូចជាថតវីដេអូ ផលិតព័ត៌មានវីដេអូ សម្ភាសអ្នកជំនាញផ្សេងៗ នៅរដ្ឋធានីវ៉ាស៊ីនតោន រដ្ឋ Pennysylvania និងញូវយ៉ក ចន្លោះពីថ្ងៃទី២៨ខែវិច្ចិកា ដល់ថ្ងៃទី៩ ខែធ្នូ។ បេសកកម្មនេះ ទទួលបានការគាំទ្រពីស្ថានទូតសហរដ្ឋអាម៉េរិកប្រចាំកម្ពុជា និងក្រសួងការបរទេសអាម៉េរិក។
កញ្ញា ម៉េង សៀវម៉ី បានចេញទៅក្រៅប្រទេសបីលើក។ តាមការអញ្ជើញរបស់អង្គការ UNAIDS Cambodia កញ្ញាបានចូលរួម និងផលិតព័ត៌មានអំពីសិក្ខាសាលាស្តីពីការររើសអើងអ្នករស់នៅជាមួយមេរោគអេដស៍នៅក្រុងបាងកក ប្រទេសថៃ ពីថ្ងៃទី៦ ដល់ថ្ងៃទី៨ ខែមិថុនា។ នៅក្រុងបាងកកដដែល អ្នកយកព័ត៌មាន Cambodianess រូបនេះ បានទៅចូលរួមវគ្គបណ្តុះបណ្តាលអំពីការរាយការណ៍ព័ត៌មានពីគ្រោះធម្មជាតិ ដោយកញ្ញា រួមទាំងសហការីពីររូបទៀត គឺកញ្ញា តេង យ៉ាលីរ៉ូហ្ស៊ី និងកញ្ញា ហុង ស្រីណា ត្រូវបានជ្រើសរើសដោយធនាគារអភិវឌ្ឍន៍អាស៊ី (ADB) និងមូលនិធិ Thomson Reuters Foundation ពីថ្ងៃទី១៨ ដល់ថ្ងៃទី២០ ខែកក្កដា។ សម្រាប់កម្មវិធីទីបី កញ្ញា សៀវម៉ី ត្រូវមូលនិធិ Probe Media Foundation ជ្រើសរើសសម្រាប់វគ្គបណ្តុះបណ្តាល ស្តីពីអ្នកសារព័ត៌មានអំពីជំងឺមិនឆ្លង (Noncommucable Diseases) នាក្រុង Quezon ប្រទេសហ្វីលីពីន ពីថ្ងៃទី១៤ ដល់ថ្ងៃទី១៥ ខែធ្នូ។
លោក ជា យូគៀង អ្នកកាសែតកីឡានៃសារព័ត៌មានឌីជីថលថ្មីៗ បានយកព័ត៌មានអំពីការប្រកួតពានរង្វាន់កីឡាអេឡិចត្រូនិក M5 World Championship 2023 នៅ Rizal Memorial Colliseum ក្រុង Quezon និងក្រុងម៉ានីល ប្រទេសហ្វីលីពីន ពីថ្ងៃទី១២ ដល់ថ្ងៃទី១៩ ខែធ្នូ។ ក្នុងព្រឹត្តិការណ៍ដែលទទួលបានការអញ្ជើញពីក្រុមហ៊ុន Moonton Philippines Technology.Inc និង Moonton PR នេះ លោក យូគៀង ក៏បានចូលរួមកិច្ចប្រជុំ M-Summit ដើម្បីស្វែងយល់ពីការអភិវឌ្ឍន៍វិស័យកីឡាអេឡិចត្រូនិក Mobile Legends ផងដែរ។
លោក គី ចំណា អ្នកសារព័ត៌មាន Cambodianess បានទៅចូលរួមកម្មវិធីចំនួន៣។ តាមការអញ្ជើញមជ្ឈមណ្ឌល Pulitzer ចំណា ធ្វើជាសិក្ខាកាមក្នុងវគ្គបណ្តុះបណ្តាលអំពីការយកព័ត៌មានស៊ើបអង្កេតតាមតំបន់ធម្មជាតិ ដែលរៀបចំដោយមូលនិធិអ្នកសារព័ត៌មានព្រៃទឹកភ្លៀង (Rainforest Journalism Fund) នៅក្រុងបាងកក ពីថ្ងៃទី២៣ ដល់ថ្ងៃទី២៤ ខែកុម្ភៈ។
ពីថ្ងៃទី២៨ ដល់ថ្ងៃទី៣១ ខែមីនា ចំណា ទៅចូលរួមកិច្ចប្រជុំអំពីវិស័យហិរញ្ញវត្ថុក្នុងការអភិវឌ្ឍថាមពលបៃតង (Symposium SEADS 2023) តាមការអញ្ជើញរបស់ធនាគារអភិវឌ្ឍន៍អាស៊ី ADB ដែលប្រព្រឹត្រទៅនៅកោះបាលី ប្រទេសឥណ្ឌូណេស៊ី។ ក្នុងប្រទេសឥណ្ឌូណេស៊ីដដែល ប៉ុន្តែស្ថិតនៅខេត្តស៊ូម៉ាត្រាខាងលិច ចំណា បានចុះយកព័ត៌មានផ្សព្វផ្សាយអំពីកន្លែងកម្សាន្តបែបធម្មជាតិ ប្រវត្តិសាស្ត្រ និងវប្បធម៌។ ដំណើរទស្សនាចរណ៍នេះ ទទួលបានការអញ្ជើញពីស្ថានទូតឥណ្ឌូណេស៊ីប្រចាំកម្ពុជា ពីថ្ងៃទី៧ ដល់ទី១៥ ខែវិច្ឆិកា។
កញ្ញា ឡាយ សុភាវតី អ្នកសារព័ត៌មានថ្មីៗ បានទៅចូលរួមវេទិកា Asia Media Forum: Let’s Talk Equality ដែលប្រព្រឹត្តទៅនៅក្រុងបាងកក ប្រទេសថៃ ពីថ្ងៃទី១១ ដល់ទី១២ ខែធ្នូ។ វេទិកានេះរៀបចំដោយមជ្ឈមណ្ឌល Asia Centre និង Oxfam in Asia ដែលបានផ្តល់រង្វាន់លេខ៣ ដល់វតី និងសហការី២រូបទៀតរបស់សារព័ត៌មានឌីជីថលថ្មីៗ ក្នុងការប្រកួតប្រជែងអត្ថបទរាយការណ៍ស្ដីពី «ភាពអស់សង្ឃឹមរបស់កម្មកររោងចក្រ នាអំឡុងពេលបិទខ្ទប់» កាលពីឆ្នាំ២០២២។
កញ្ញា តេង យ៉ាលីរ៉ហ្ស៊ី បានរួមដំណើរជាមួយកញ្ញា ម៉េង សៀវម៉ី និងកញ្ញា ហុងស្រីណា ទៅចូលរួមវគ្គបណ្តុះបណ្តាលអំពីការរាយការណ៍ពីគ្រោះធម្មជាតិ (Reporting on Crisis and Disasters) នៅក្រុងបាងកក ប្រទេសថៃ និងរួមដំណើរទៅសហរដ្ឋអាម៉េរិក ជាមួយលោក សែម វណ្ណា សម្រាប់ការផលិតព័ត៌មានអំពីកិច្ចសហប្រតិបត្តិការផ្នែកវប្បធម៌កម្ពុជា និងអាម៉េរិក (Cambodia Media Co-Op on Using Soft Cultural Power to Counter PRC, Influence: A Look at U.S.-Cambodia Cultural Cooperation)។
បន្ថែមពីលើនេះ កញ្ញា រ៉ូហ្ស៊ី បានទៅចូលរួមសិក្ខាសាលស្តីពីការគ្រប់គ្រងធនធានធម្មជាតិនៅតំបន់ទន្លេមេគង្គ (Our Mekong, Our Say Media Workshop on Natural Resource Governance)។ ត្រូវបានជ្រើសរើសដោយ Internews’s Earth Journalism Network សិក្ខាសាលានៅខេត្តឈៀងម៉ៃ ប្រទេសថៃ ពីថ្ងៃទី៥ ដល់ទី៧ ខែកក្កដា នាំឱ្យអ្នកសារព័ត៌មាន Cambodianess រូបនេះ និងសិក្ខាកាមផ្សេងទៀត បានសិក្សាស្វែងយល់អំពីការរាយការណ៍បញ្ហាប្រឈមនានានៅតំបន់ទន្លេមេគង្គ ដូចជាទំនាស់ពាក់ព័ន្ធនឹងធនធានធម្មជាតិ និងបញ្ហាឆ្លងតំបន់៕
© រក្សាសិទ្ធិដោយ thmeythmey.com
