សូមអញ្ជើញទស្សនាវីដេអូខាងក្រោមដូចតទៅ៖  
 

 

ចាប់តាំងពីឆ្នាំ២០១២មក សហភាពសហព័ន្ធយុវជនកម្ពុជា តែងតែរៀបចំពិធីគោរពវិញ្ញាណក្ខន្ធជូនជនរងគ្រោះ ដែលបាត់បង់ជីវិតក្នុងរបបកម្ពុជាប្រជាធិបតេយ្យ ថ្ងៃទី៦ មករា រៀងរាល់ឆ្នាំ។
 

លោក ហ៊ុន ម៉ានី គោលបំណងនៃការគោរពវិញ្ញាណក្ខន្ធនេះ គឺដើម្បីបញ្ជាក់ពីការផ្សារភ្ជាប់រវាងយុវជនជំនាន់ក្រោយ និងកត្តាប្រវត្តិសាស្ត្ររបស់កម្ពុជា ដែលពលរដ្ឋជួបនូវសោកនាដកម្ម។ «អ្នកដែលបានកើតក្នុងដំបូលនៃសុខសន្តិភាព ពេលប្រទេសមានភាពរីកចម្រើន ពោរពេញដោយឱកាស។ ដូច្នេះពួកគាត់មានការយកចិត្តទុកដាក់លើ ការរៀនសូត្រ និងជីវភាពប្រចាំថ្ងៃ។ ប៉ុន្តែមិនសុំឱ្យពួកគាត់រស់ក្នុងអតីតកាលទេ តែកុំឱ្យភ្លេចប្រវត្តិដ៏ជូរចត់របស់ប្រជាជនខ្មែរ»។ លោក ហ៊ុន ម៉ានីបញ្ជាក់ដូច្នេះ មុននឹងបន្តថា ទោះបីកម្ពុជាទទួលបានសន្តិភាព និងការអភិវឌ្ឍដូចបច្ចុប្បន្ននេះ ប៉ុន្តែលោកក៏មិនបំភ្លេចនូវការគោរពវិញ្ញាណក្ខន្ធពលរដ្ឋស្លូតត្រង់ដែលបានស្លាប់ក្នុងរបបកម្ពុជាប្រជាធិបតេយ្យនោះដែរ៕