មន្ទីរប្រឆាំងបទល្មើសគ្រឿងញៀន បានចេញផ្សាយកាលពីថ្ងៃទី១១មករាថា ករណីដឹកគ្រឿងញៀននេះ គឺធ្វើឡើងនៅវេលាទៀបភ្លឺ កាលពីថ្ងៃទី៨មករា នៅតំបន់អូរធំ ជាំតាលឺម ក្នុងឃុំព្រះរំកិល ស្រុកបុរីអូរស្វាយសែនជ័យ។ ក្រោយឃាត់គោយន្តកន្ត្រៃនោះហើយ សមត្ថកិច្ចរកឃើញគ្រឿងញៀន ប្រភេទមេតំហ្វេតាមីន (ICE)១៦០ដុំ ស្មើនឹងទម្ងន់ ១៥៩គីឡូក្រាម។ 

 

ចំណែកជនសង្ស័យ២នាក់ ពាក់ព័ន្ធនឹងការដឹកគ្រឿងញៀននេះ បានរត់គេចខ្លួន។ បច្ចុប្បន្ន កម្លាំងជំនាញកំពុងបន្តស្រាវជ្រាវ រកជនសង្ស័យទាំង២នាក់នោះ ខណៈវត្ថុតាងថ្នាំញៀនជិត ១៦០គីឡូក្រាម ត្រូវបានកម្លាំងជំនាញរៀបចំសំណុំរឿង បញ្ជូនទៅតុលាការខេត្តស្ទឹងត្រែង៕