ជាតិ
វីដេអូ
តើភាសាចិន អាចក្លាយជាភាសាមានឥទ្ធិពលទី២ លើពិភពលោកទេ? 10, Feb 2024 , 9:09 pm
លោក គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា
× ភ្នំពេញ៖ តាមការប៉ាន់ស្មានរបស់លោក គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា ប្រមាណ១០ ទៅ២០ឆ្នាំខាងមុខ ភាសាចិន អាចក្លាយជាភាសាមានឥទ្ធិពលទី២ លើពិភពលោក បន្ទាប់ពីភាសាអង់គ្លេស។
បើតាម លោក គិន ភា មានធាតុផ្សំ៣យ៉ាង ដែលនាំឱ្យភាសាចិន ពង្រីកឥទ្ធិពលរបស់ខ្លួន ឆាប់រហ័ស។ ទី១ ភាសាចិន ពង្រីកឥទ្ធិពលរបស់ខ្លួនតាមរយៈជំនួញ។ ទី២ តាមរយៈទំនាក់ទំនងរវាង ប្រជាជននិងប្រជាជន ដោយសារនៅពេលដែលប្រជាជនចិនទៅដល់ទីណា ពួកគេនាំយកភាសា និងវប្បធម៌ទៅដល់ទីនោះ។ ទី៣ ការរីកលូតលាស់ នៃការធ្វើទំនាក់ទំនង នយោបាយ និងការទូត។
លោក គិន ភា បន្ថែមដូច្នេះ៖«ទំហំសេដ្ឋកិច្ចរបស់ចិន ការធ្វើសមាហរណកម្មរបស់ចិន ទៅកាន់ពិភពលោក ពិសេសវិនិយោគទុនរបស់ចិន ទៅកាន់ប្រទេសផ្សេងៗ ខ្ញុំគិតថាប្រហែល ១០ទៅ២០ឆ្នាំទៅមុខ ភាសាចិន អាចជាភាសាទី២ បន្ទាប់ពីអង់គ្លេស។ បើគិតពី ភាសាទំនាក់ទំនង ភាសាចិអាចថាជាភាសាទី១ ព្រោះប្រទេសជាច្រើន បានប្រើប្រាស់ភាសានេះ»។
បើតាមប្រធានវិទ្យាស្ថានទំនាក់ទំនងអន្តរជាតិនៃកម្ពុជា បច្ចុប្បន្ន ចិនជាមហាអំណាចទី២ បន្ទាប់ពីអាមេរិក ខាងផ្នែកសេដ្ឋកិច្ច ផ្នែកនយោបាយ ឬវិស័យសន្តិសុខជាដើម ដែលធ្វើឱ្យ ភាសាចិន ក៏មានសារៈសំខាន់កាន់តែខ្លាំង។ លើសពីនេះ ជារៀងរាល់ឆ្នាំ រដ្ឋាភិបាលចិន ផ្ដល់អាហារូបករណ៍រាប់សែនកន្លែង ដល់សិស្សនិស្សិតមកពីបណ្ដាប្រទេសផ្សេងៗ ដែល ការបណ្ដុះបណ្ដាលគឺប្រើភាសាចិន ដែលនេះក៏នាំឱ្យភាសាចិន រីកចម្រើនខ្លាំងដែរ។
ដើម្បីជ្រាបច្បាស់សូមលោកអ្នកនាងទស្សនាបទសម្ភាស រវាងកញ្ញា ប៉ូ សាគុន នៃសារព័ត៌មានឌីជីថលថ្មីៗ និងលោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា៖
Tag:
ភាសា
ចិន
ភាសាចិន
ចូលឆ្នាំចិន
© រក្សាសិទ្ធិដោយ thmeythmey.com