ជាតិ
សេដ្ឋកិច្ច
របរចិញ្ចឹមក្ដាមថ្ម ជាឆ្នាំងបាយដ៏សំខាន់របស់លោក សើ ឡេះ 18, Feb 2024 , 9:00 am
លោក សើ ឡេះ អ្នកចិញ្ចឹមក្តាមថ្ម នៅខេត្តកំពត កំពុងផ្តល់បទសម្ភាសឱ្យអ្នកស្រី ញឹក ស្រីល័ក្ខ អ្នកសារព័ត៌មាននៃសារព័ត៌មានថ្មីៗ។
× លោក សើ ឡេះ គឺជាសមាជិកសហគមន៍នេសាទត្រពាំងសង្កែ។ ទំនេរពីការងារលោក សេី ឡេះ បានបន្ថែមរបរមួយទៀត គឺរបរចិញ្ចឹមក្ដាមថ្ម។ បុរសវ័យ៥៦ឆ្នាំរូបនេះ ចាត់ទុករបរនេះ ជាឆ្នាំងបាយដ៏សំខាន់របស់លោក។
លោក សើ ឡេះ ចាប់ផ្ដើមចិញ្ចឹមក្ដាមថ្ម កាលពីខែសីហា ឆ្នាំ២០២៣។ រយៈពេល៦ខែនេះ លោក ប្រមូលផលក្ដាមថ្ម បាន២ដងហើយ ដោយលើកទី១រកចំណូលបានជិត ១លានរៀល និងលើកទី២ បាន១លាន៤០ម៉ឺនរៀល។
តាមរយៈទិន្នផលនៃការចិញ្ចឹមក្ដាមថ្មនេះ បានធ្វើឱ្យរីករាយ និងចង់ពង្រីកទីតាំងបន្ថែមទៀត។ បច្ចុប្បន្ន លោកចិញ្ចឹមក្នុងទំហំតូចប៉ុណ្ណោះ។ «សប្បាយខ្លាំងណាស់។ ព្រោះអី យើងមិនដែលចិញ្ចឹមរបស់ធម្មជាតិបែបនេះ។ យប់មិនសូវបានគេងទេ ព្រោះចេញមកមើលក្ដាមរហូត»។ នេះជាការលើកឡើងរបស់លោក សើ ឡេះ អ្នកចិញ្ចឹមក្ដាមថ្ម នាសហគមន៍នេសាទត្រពាំងសង្កែ ខេត្តកំពត។
បើតាមអ្នកចិញ្ចឹមក្ដាមថ្មរូបនេះ ចំណេះដឹងក្នុងការចិញ្ចឹមលោកចេះតាមបណ្ដាញសង្គម You Tube។ ក្រោយមើលពីវិធីសាស្ត្រក្នុងការចិញ្ចឹម លោក សើ ឡេះ បានទិញពូជក្ដាមថ្មពីខេត្តកោះកុង មកចិញ្ចឹមរហូតទទួលបានផលល្អដូចសព្វថ្ងៃ។
សម្រាប់លោក សើ ឡេះ ការចិញ្ចឹមក្ដាមថ្មនេះ មិនមានផលលំបាក នោះទេ ពោល គឺគ្រាន់តែមមាញឹកក្នុងការដាក់ចំណី។ ទាក់ទងនឹងរសជាតិវិញ លោក សើ ឡេះ មិនខុសគ្នាប៉ុន្មានពីក្ដាមថ្មធម្មជាតិ៕
© រក្សាសិទ្ធិដោយ thmeythmey.com