កំពត៖ «មេ» ជាឈ្មោះសេះទេសចរណ៍មួយក្បាល ដែលចូលចិត្តផឹកភេសជ្ជៈប៉ូវកម្លាំង ប្រមាណ៦-៧កំប៉ុងក្នុងមួយថ្ងៃ។ លោក ង៉ែត សៅ ដែលជាម្ចាស់សេះទេសចរណ៍ នៅកំពង់ត្រាច ខេត្តកំពត បានបញ្ជាក់ថា សេះនេះ មិនសូវផឹកទឹកឡើយ ។

លោក សៅ បានចិញ្ចឹមសេះមួយក្បាលនេះ រយៈពេល៥-៦ឆ្នាំហើយ ។ លោកយល់ថា វាងាយស្រួលចិញ្ចឹម និងចេះស្ដាប់បង្គាប់ច្រើន។ បើតាមលោក សៅ នៅពេលមកដឹកភ្ញៀវទស្សនាភ្នំកំពង់ត្រាច «មេ» ចូលចិត្តផឹកភេសជ្ជ ដើម្បីឱ្យមានកម្លាំងដឹកភ្ញៀវបានច្រើន ។ ប៉ុន្តែពេលត្រឡប់ទៅផ្ទះវិញ លោកឱ្យវាស៊ីអំពៅ និងស្ករជាដើម។