ប្រយ័ត្នកើតដោយមិនដឹងខ្លួន ! កត្តានេះធ្វើឲ្យកើតជំងឺឬសដូងបាត

ជាតិ

ព័ត៍មានសុខភាព

សុខភាព

ប្រយ័ត្នកើតដោយមិនដឹងខ្លួន ! កត្តានេះធ្វើឲ្យកើតជំងឺឬសដូងបាត

24, Feb 2024 , 6:59 am

រូបភាព

ដោយ: សារព័ត៌មានថ្មីៗ

ឬសដូងបាត កើតឡើងនៅពេលសរសៃឈាមក្នុងរន្ធគូថ មានការរលាក និងហើម ហើយបណ្តាលឲ្យមានការឈឺចាប់ពេលបត់ជើងធំម្តងៗ។ ដូច្នេះ យើងគួរស្វែងយល់ពីមូលហេតុឲ្យបានច្បាស់ ដើម្បីការពារកុំឲ្យជំងឺមួយនេះ។--

១.លើកវត្ថុធ្ងន់

ការប្រឹងលើកវត្ថុធ្ងន់ៗ បានដាក់សំពាធលើរាងកាយរបស់យើងយ៉ាងខ្លាំង ដែលធ្វើឲ្យសរសៃក្នុងខ្លួនប្រឈមនឹងគ្រោះថា្នក់ ជាពិសេសដាច់សរសៃក្នុងតំបន់រន្ធគូថ។

២.ធ្វើលំហាត់ប្រាណហួសកម្រិត

ការខំប្រឹងហាត់ប្រាណដោយប្រើជើងកម្លាំងជើងខ្លាំងពេក ក៏អាចបណ្តាលឲ្យយើងកើតជំងឺឬសដូងបាតដែរ ព្រោះវាធ្វើឲ្យសរសៃឈាមនៅតំបន់ខាងក្រោម ត្រូវធ្វើការធ្ងន់ខុសធម្មតា។

៣.បត់ជើងយូរពេក

ការចំណាយពេលអង្គុយបត់ជើងលើបង្គន់យូរពេក ក៏បណ្តាលឲ្យអ្នកកើតជំងឺឬសដូងបាតដូចគ្នា ព្រោះវាធ្វើឲ្យសរសៃក្នុងរន្ធគូថ ទទួលរងនូវការរលាក។

៤.ឧស្សាហ៍ទល់លាមក

ប្រសិនបើយើងទទួលទាន សាច់ច្រើនជាងបន្លែ ឬទទួលទានអាហារសម្បូរជាតិខ្លាញ់ជាប្រចាំ នឹងធ្វើឲ្យលាមករបស់យើងរឹង ហើយមានបញ្ហាទល់លាមក។ ទម្លាប់បែបនេះយូរៗទៅយើងនឹងក្លាយទៅជាជនរងគ្រោះដោយសារតែជំងឺឬសដូងបាត។

៥.ការមានផ្ទៃពោះ

កត្តាធម្មជាតិមួយដែលអាចបណ្តាលឲ្យស្ត្រីកើតមានជំងឺឬសដូងបាត គឺពេលស្ត្រីមានផ្ទៃពោះ ព្រោះកូនក្នុងផ្ទៃបានធ្វើឲ្យសរសៃឈាមក្នុងខ្លួនអ្នកម្តាយរងសំពាធយ៉ាងខ្លាំង ជាពិសេសសរសៃនៅតំបន់ស្បូន៕

ត្រួតពិនិត្យដោយ៖ www.health.com.kh/