«អូស្ត្រាលី និងឥណ្ឌូណេស៊ីមានជោគវាសនារួមគ្នា និងសន្តិសុខរួមរួមគ្នា ហើយនោះគឺជា មូលដ្ឋានដែលយើងកំពុងឆ្ពោះទៅមុខ»។ លោក រដ្ឋមន្ត្រីការពារជាតិអូស្ត្រាលី លោក Richard Marles មានប្រសាសន៍បែបនេះ បន្ទាប់ពីជួបជាមួយរដ្ឋមន្ត្រីការពារជាតិឥណ្ឌូណេស៊ីលោក Prabowo Subianto។

 

នៅក្នុងសេចក្តីថ្លែងការណ៍រួមមួយផ្សេងទៀត លោក Prabowo ដែលត្រូវបានរំពឹងថា ជាប្រធានាធិបតីឥណ្ឌូណេស៊ីថ្មី បានសាទរ ចំពោះទំនាក់ទំនងដ៏ល្អ ហើយបាននិយាយថា ប្រទេសទាំងពីរមានអនាគតជាអ្នកជិតខាងដ៏ល្អ។

 

យ៉ាងណាមិញ រដ្ឋមន្ត្រីទាំងពីរមិនបានផ្តល់ព័ត៌មានលម្អិតអំពីកិច្ចព្រមព្រៀងនេះទេ ប៉ុន្តែលោក Prabowo សម្គាល់ថា លោករំពឹងកិច្ចព្រមព្រៀងនឹងត្រូវបានចុះហត្ថលេខាក្នុងរយៈពេលពីរ ឬបីខែ ខាមុខនេះ។

 

គួរបញ្ជាក់ថា ការបង្កើនឥទ្ធិពលរបស់ចិននៅក្នុងតំបន់កាន់តែខ្លាំងឡើងបានជំរុញឱ្យប្រទេសក្នុងតំបន់ ជាពិសេស​សម្ព័ន្ធមិត្តអាម៉េរិក ខិតជិត និងសហការគ្នាក្នុងការពង្រឹងសមត្ថភាពការពារ និងផ្នែកសន្តិសុខរបស់ពួកគេ។ នាយករដ្ឋមន្ត្រីអូស្ដ្រាលី លោក អាន់តូនី អាល់បានីស កាលពីខែធ្នូ ឆ្នាំមុនបាននិយាយថា អូស្ត្រាលីនឹងជំរុញវឌ្ឍនភាពគួរឱ្យកត់សម្គាល់ឆ្ពោះទៅរកកិច្ចព្រមព្រៀងការពារជាតិថ្មីដែលមានភ្ជាប់ជាមួយឥណ្ឌូណេស៊ី ខណៈ ស្វែងរកការកិច្ចព្រមព្រៀងសន្តិសុខទ្វេភាគីជាមួយប្រទេសផ្សេងៗទៀតនៅក្នុងតំបន់ផងដែរ៕