ការកើតមានគ្រោះថ្នាក់ ភ្លាមៗដោយជំងឺបេះដូង វាអាចកើតឡើងភាគច្រើនទៅលើមនុស្សវ័យជំទង់ ក៏ដូចជាវ័យក្មេងជាងនេះ។ ក្នុងមួយឆ្នាំមានមនុស្សជាច្រើនស្លាប់ បណ្តាលមកពីការគាំងបេះដូងភ្លាមៗ។
មូលហេតុដែលបណ្តាលឲ្យកើតមានជំងឺគាំងបេះដូង មានដូចជា៖ វ័យចំណាស់, លើសឈាម, ជាតិខ្លាញ់ក្នុងឈាមខ្ពស់, ជំងឺទឹកនោមផ្អែម, ការទទួលទានបារី, ធាត់ខ្លាំង, ប្រវត្តិគ្រួសារធ្លាប់មានជំងឺបេះដូង ឬស្លាប់ភ្លាមៗ ដែលគ្រោះថ្នាក់នេះ អាចប្រឈមខ្ពស់ក្នុងពេលធ្វើលំហាត់ប្រាណខ្លាំងពេក។
គាំងបេះដូង ជាជំងឺដ៏គ្រោះថ្នាក់ខ្លាំងបំផុត ហើយវាតែងកើតឡើងនៅពេលដែលសរសៃឈាមស្ទះ មិនអាចបញ្ជូនឈាមទៅកាន់បេះដូងបាន។ មូលហេតុចម្បងនៃជំងឺនេះ បង្កឡើងដោយសារតែភាពតានតឹង កង្វះការធ្វើលំហាត់ប្រាណ និងការរស់នៅគ្មានផាសុកភាពជាដើម។
ទោះជាយ៉ាងណា ជំងឺបេះដូងអាចការពារបានពេញមួយជីវិត បើអ្នកទទួលទានអាហារ៥ប្រភេទជាប្រចាំ ព្រោះវាអាចជួយលាងសម្អាតសរសៃឈាមបានយ៉ាងល្អ។
១.តែបៃតង
ភេសជ្ជ:មួយប្រភេទនេះ មានផ្ទុកសារធាតុប្រឆាំងអុកស៊ីតកម្មដ៏ខ្លាំងក្លា ដែលអាចកាត់បន្ថយកម្រិតកូឡេស្តេរ៉ុល និងជំនួយដល់ការរំលាយអាហារផងដែរ។ ទទួលទានតែបៃតងមួយថ្ងៃ ២ពែងជាប្រចាំ អ្នកនឹងទទួលបានសុខភាពល្អ។
២.រមៀត
គ្រឿងទេសមួយប្រភេទនេះ សម្បូរទៅដោយភ្នាក់ងារប្រឆាំងនឹងការរលាកកោសិកា និងស្តុកជាតិខ្លាញ់ម្យ៉ាង ដែលអាចជួយឲ្យឈាមរត់បានល្អ។
៣.ផ្លែប៊ឺរ
ការទទួលទានផ្លែប៊ឺរ អាចជួយគ្រប់គ្រងកូឡេស្តេរ៉ុលក្នុងរាងកាយ និងរក្សាសរសៃឈាមបេះដូង ឲ្យមានសុខភាពល្អជានិច្ច។
៤.ទឹកក្រូច
ទឹកក្រូចច្របាច់ស្រស់ៗ មានផ្ទុកវីតាមីន C និងសារធាតុប្រឆាំងអុកស៊ីតកម្ម ដែលអាចការពារសរសៃឈាមមិនឲ្យខូច និងរក្សាសម្ពាធឈាមឲ្យនៅធម្មតា។ ការស្រាវជ្រាវមួយបានបង្ហាញថា ការទទួលទានទឹកក្រូចមួយថ្ងៃ ២កែវ អ្នកនឹងទទួលបានសារធាតុចិញ្ចឹមគ្រប់គ្រាន់ ដើម្បីទប់ស្កាត់មិនឲ្យកើតមានជំងឺបេះដូង។
៥.ឪឡឹក
ផ្លែឈើដែលមានភាពពេញនិយមបំផុតនារដូវក្តៅប្រភេទនេះ អាចជួយជំរុញដល់ការផលិត អុកស៊ីត(oxide) និងរក្សាសរសៃឈាមឲ្យស្អាតជានិច្ច។
តែទន្ទឹមនឹងនេះដែរ កុំភ្លេចទទួលទានអាហារដែលមានផាសុកភាព និងធ្វើលំហាត់ប្រាណជាប្រចាំ ដើម្បីជួយពង្រឹងឲ្យបេះដូងកាន់តែមានសុខភាពល្អ៕