បើតាមអគ្គនាយកដ្ឋានសម្ភារៈបច្ចេកទេស នៃក្រសួងការពារជាតិ អ្នកប្រើប្រាស់ស្លាកលេខ ខ.ម បានលុះត្រាតែជានាយទាហាន ដែលមានសិទ្ធិពេញលេញ ដោយមិនអនុញ្ញាតឱ្យជនស៊ីវិល ឬជនបរទេសប្រើប្រាស់បានឡើយ។ ចំពោះការប្រើប្រាស់យានយន្តពាក់ស្លាកលេខចរាចរខេមរភូមិន្ទ ត្រូវស្របតាមការកំណត់របស់ក្រសួងការពារជាតិ ហើយក្រុមហ៊ុនសហការវិនិយោគ រួមទាំងវិស័យការពារជាតិនានា ក៏ត្រូវតែមានការអនុវត្តដូចគ្នាពីក្រសួងដែរ។

 

ក្រសួងបានព្រមានយ៉ាងដូច្នេះ៖ «ក្នុងករណីដែលអនុវត្តការប្រើប្រាស់ផ្ទុយខុសពីខ្លឹមសារខាងលើ អគ្គនាយកដ្ឋានសម្ភារៈបច្ចេកទេស ក្រសួងការពារជាតិនឹងចាត់វិធានការច្បាប់ជាធរមាន»។

 

ជាមួយគ្នាដែរ ក្រសួងស្នើឲ្យបណ្តាស្ថាប័ន កងឯកភាពចំណុះក្រសួងការពារជាតិ អគ្គបញ្ជាការដ្ឋាន និងគ្រប់បណ្តាប្រភេទទ័ពជំនាញទាំងអស់ អនុវត្តតាមការណែនាំរបស់ក្រសួងឱ្យបានម៉ឺងម៉ាត់បំផុត៕