សៀមរាប៖ សៀមរាប៖ នៅរសៀលថ្ងៃទី២៩ ខែកុម្ភៈ ឆ្នាំ២០២៤នេះ អាជ្ញាធរខេត្តសៀមរាប រួមជាមួយស្ថាប័នរដ្ឋដទៃទៀត បានធ្វើការដង្ហែក្បួនរថយន្ត ក្នុងក្រុងសៀមរាប ដើម្បីអបអរសាទរម្ចាស់ជ័យលាភីអង្គភាពផ្ដល់សេវាសាធារណៈគំរូ ប្រចាំឆ្នាំ២០២៣។ 

ស្ថាប័នចំនួន៤ ដែលទទួលបានជ័យលាភីអង្គភាពផ្ដល់សេវាសាធារណៈគំរូ ក្នុងវិស័យអប់រំ និងវិស័យសុខាភិបាលឆ្នាំ២០២៣រួមមាន អនុវិទ្យាល័យមិត្តភាព ខ្មែរ-ជប៉ុន ព្រះឥន្ទកោសា ជ័យលាភីលេខ២, សាលាបឋមសិក្សាវត្តបូព៌ លេខ៣, សាលាបឋមសិក្សាក្រវ៉ាន់ លេខ៦។ ចំណែកវិស័យសុខាភិបាលជាប់ចំណាត់ថ្នាក់លេខ២ គឺមណ្ឌលសុខភាព គោកចក៕