ការរៀបចំទស្សនកិច្ចនេះ ក្នុងគោលដៅរួមចំណែក និងលើកស្ទួយដល់ការសិក្សារបស់និស្សិតក្រោមប្រធានបទ «ប្រសិទ្ធភាពនៃការគ្រប់គ្រងខ្សេច្រវាក់ផលិតកម្ម និងសក្តានុពលទីផ្សារ»ដើម្បីស្វែងយល់អោយកាន់តែច្បាស់នូវដំណើរការរបស់អាជីវកម្មរោងចក្រ និងដកស្រង់នូវបទពិសោធន៍មួយកម្រិតទៀត។ 
 

លោក Kevin Woomer ប្រធានគ្រប់គ្រងទូរទៅ នៃក្រុមហ៊ុន ទឹករ៉ែធម្មជាតិអុីលែន បានធ្វើបទបង្ហាញ និងថ្លែងថា «រោងចក្រផលិតទឹករ៉ែធម្មជាតិអុីលែន បានបើកដំណើរការតាំងពីឆ្នាំ២០២០មកម្លេះ  ផលិតកម្មរបស់យើង​បានដំណើរការដោយស្វៃប្រវត្តិ ប្រើប្រាស់បច្ចេកវិទ្យាពីសហគមន៏អុឺរ៉ុប ស្តង់ដាកម្រិតពិភពលោក ISO 22000 ដែលនាំអោយមានសន្ទុះការគាំទ្រ និងរីកចម្រើនពីមួយឆ្នាំទៅមួយឆ្នាំ។»

 

លោក Kevin Woomer បានថ្លែងបន្ថែមថា «ទឹករ៉ែធម្មជាតិអុីលែន គឺជាទឹករ៉ែធម្មជាតិដំបូងគេ និងតែមួយគត់នៅប្រទេសកម្ពុជា ដែលមានកំរិតpHធម្មជាតិកម្រិតខ្ពស់ជាងគេ។ ការពិសារទឹករ៉ែអុីលែនដែលមានកម្រិត pH8.2 ខ្ពស់ពីធម្មជាតិដូចនេះ បានផ្តល់អត្ថប្រយោជន៏សុខភាពដូចជា៖ បញ្ជុះជាតិអាសុីតក្នុងរាងកាយ សម្រួលចរន្តឈាម និងបេះដូង សម្រួលការឈឺសន្លាក់ និងឆ្អឹងរឹងមាំ បង្កើនស្មារតី និងភាពស្រស់ស្រាយក្នុងរាង្គកាយ»។

 

តាងនាមតំណាងក្រុមហ៊ុន ទឹករ៉ែធម្មជាតិ អុីលែន លោកសូមប្រកាសស្វាគមន៏ចំពោះសាធារណៈជនគ្រប់រូប ដែលមានបំណងចង់ធ្វើទស្សនកិច្ចរោងចក្រផលិតទឹករ៉ែធម្មជាតិអុីលែន សូមធ្វើការទាក់ទងទៅកាន់Facebook Page ផ្លូវការ ELAN MINERAL WATER PH 8.2។